भारतात कोरोना महामारीच्या तिसऱ्या लाटेत कोरोना लसीचा बूस्टर डोस घेतलेल्या 70 टक्के लोकांना कोरोनाची लागण झालेली नाही. सुमारे सहा हजार लोकांचा समावेश असलेल्या एका अभ्यासातून हे सांगण्यात आले आहे. इंडियन मेडिकल असोसिएशनच्या नॅशनल टास्क फोर्सचे सह-अध्यक्ष डॉ. राजीव जयदेवन यांच्या नेतृत्वाखालील अभ्यासात असे नमूद केले आहे की, कोरोना लस घेतलेल्या परंतु बूस्टर डोस न मिळालेल्या लोकांपैकी 45 टक्के लोकांना तिसऱ्या लाटेत कोरोनाची लागण झाली नव्हती. सर्वेक्षणात 5,971 लोकांचा समावेश करण्यात आला ज्यांचे लसीकरण करण्यात आले होते, त्यापैकी 24 टक्के 40 वर्षांपेक्षा कमी वयोगटातील आणि 50 टक्के 40-59 वयोगटातील होते. अभ्यासात सहभागी लोकांपैकी 45 टक्के महिला होत्या, तर 53 टक्के आरोग्य कर्मचारी होते. (In India 70 per cent of people who took booster doses did not get covid in the third wave report)
दरम्यान, अभ्यासात सामील असलेल्या 5,971 लोकांपैकी 2,383 जणांनी बूस्टर डोस घेतला होता. त्यापैकी 30 टक्के लोकांना तिसऱ्या लाटेत कोरोना झाला होता. त्यानंतर संशोधकांनी असा निष्कर्षही काढला की, दुसऱ्या डोसनंतर तिसर्‍या लाटेमध्ये संसर्गाची लागण होण्याची शक्यता जास्त असते. शिवाय, अभ्यासात असे नमूद करण्यात आले आहे की, 'सहा महिन्यांच्या अंतरापूर्वी तिसरा डोस दिल्याने संक्रमण दरात कोणताही फरक पडला नाही.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
