ट्रेन रुळावरुन घसरली तर पुन्हा रुळांवर कशी आणली जाते? प्रत्यक्ष व्हिडिओ पाहा Watch

रुळावरुन घसरल्याने ट्रेनचा अपघात झाल्याच्या घटना विविध ठिकाणांवरुन समोर येत असतात. जून २०२३ मध्ये ओडिशात झालेल्या तीन ट्रेनच्या अपघातात १०० प्रवाशांचा मृत्यू झाला होता तर, अनेकजण जखमी झाले. अपघातग्रस्त ट्रेन रुळावरुन हटवणे किंवा पुन्हा रुळांवर आणणे तसे जोखमीचे आणि आव्हानात्मक काम असते.

बऱ्याचवेळा वेगाने धावणाऱ्या एक्सप्रेस ट्रेन, मालगाडी किंवा लोकल देखील रुळावरुन खाली घसरु शकते. ट्रेन रुळावर घसरल्यानंतर तिला पुन्हा रुळावर घेऊन आणण्यासाठी रेल्वे कर्मचारी आणि अभियंत्यांना काम करावे लागते. यानंतर त्या रेल्वे मार्गावरील वाहतूक देखील विस्कळीत होते त्यामुळे रेल्वे तातडीने पुन्हा रुळावर घेऊन यावी लागते. यासाठी एका खास पद्धत वापरली जाते.

घसरलेल्या रेल्वेला पुन्हा रुळावर घेऊन येण्यासाठी रुळांना जोडूनच रेल्वेच्या चाकांना दिशा देणारे खोलगट अशी खास रचना केलेला लोखंडी तुकडा (व्हिडिओत दिसत असलेला पिवळा रंगाचा पीस) वापरला जातो. रुळावर तो व्यवस्थित बसवला जातो. दोन्ही रुळांवर व्यवस्थित बसवल्यानंतर इंजिनच्या मदतीने घसरलेले डब्बे ओढले जातात. घसरलेली रेल्वे हळू हळू त्या तुकड्यावरुन रुळावर येऊ लागते. अशा पद्धतीने सर्व डब्बे रुळांवर घेतले जातात.

भारतात अलिकडे रुळावरुन ट्रेन घसरण्याचे प्रमाण खूप कमी झाले आहे. शक्यतो पावसाळ्याच्या दिवसात अशा घटना घडतात. यानंतर रेल्वे प्रशासन रेल्वे पुन्हा रुळावर आणण्यासाठी प्रयत्न करतात.

भारतात जून २०२३ मध्ये कोरोमंडल एक्सप्रेस, हावडा बंगळुरु एक्सप्रेस आणि मालगाडी यांच्यात ओडिशात भीषण अपघात झाला होता. यात १०० प्रवासी मृत्युमूखी पडले होते तर, जवळपास १००० जण जखमी झाले होते. त्यानंतर अगरतळा ते सीलडा दरम्यान धावणाऱ्या कांचनजंगा एक्सप्रेसचा जून २०२४ मध्ये अपघात झाला होता.