होळी हा भारतातील प्रमुख सणांपैकी एक असून, तो आनंद, बंधुत्व आणि रंगांचा उत्सव मानला जातो. मात्र, तुम्हाला माहिती आहे का की फक्त भारतातच नाही, तर अनेक परदेशांमध्येही होळी मोठ्या जल्लोषात साजरी केली जाते? भारतीय संस्कृतीचा प्रभाव असलेल्या देशांमध्ये तसेच जागतिक स्तरावर विविध समुदायांमध्ये होळीला मोठे महत्त्व आहे.
भारताचा शेजारी आणि हिंदू संस्कृतीशी निगडित असलेला नेपाळ हा देशही होळी मोठ्या उत्साहाने साजरी करतो. काठमांडू आणि पोखरा येथे विशेष कार्यक्रम आयोजित केले जातात. लोक रंगांची उधळण करतात आणि गाणी-नृत्याचा आनंद घेतात.
भारतीय स्थलांतरितांचा मोठा समुदाय असलेल्या मॉरिशसमध्ये होळी हा राष्ट्रीय उत्सवांपैकी एक आहे. येथे हिंदू समाज मोठ्या प्रमाणावर रंग खेळतो, होळीच्या पूर्वसंध्येला होलिका दहन केले जाते आणि पारंपरिक गाणी गात उत्सव साजरा केला जातो.
फिजीमध्येही भारतीय वंशाच्या नागरिकांची मोठी संख्या आहे. तेथे होळी फिजीयन-भारतीय समुदायासाठी एक महत्त्वाचा सण आहे. रंग खेळण्याबरोबरच भक्तिगीत, भजन आणि पारंपरिक गाणी गायली जातात.
अमेरिका आणि कॅनडामध्ये भारतीय समुदाय मोठ्या प्रमाणावर स्थायिक झाला आहे. न्यूयॉर्क, कॅलिफोर्निया, टोरोंटो यांसारख्या शहरांमध्ये होळी फेस्टिव्हल ऑफ कलर्स नावाने मोठे सार्वजनिक कार्यक्रम होतात. इथे भारतीयांबरोबरच विविध देशातील लोकही होळीत सहभागी होतात.
होळी हा केवळ भारतापुरता मर्यादित सण राहिलेला नसून, तो आता जगभरात प्रसिद्ध झाला आहे. भारतीय संस्कृतीचा प्रभाव असलेल्या देशांबरोबरच, पश्चिमी देशांमध्येही हा रंगांचा सण मोठ्या उत्साहाने साजरा केला जातो.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.