पद्म पुरस्कार विजेत्यावर लैंगिक अत्याचाराचा आरोप, HC ने जामीन केला मंजूर

आसाममधील पद्म पुरस्कार विजेत्यावर अल्पवयीन मुलीचे लैंगिक शोषण केल्याचा आरोप करण्यात आला आहे. गुहावटी उच्च न्यायालयाने (Guwahati High Court) बुधवारी त्याच्यावर गुन्हा दाखल केल्यानंतर या व्यक्तीला अंतरिम अटकपूर्व जामीन मंजूर करण्यात आला. न्यायाधीश अरुण देव चौधरी यांच्या खंडपीठाने आरोपीला अटकपूर्व जामीन मंजूर केला. दुसरीकडे आरोपीचे (Accused) म्हणणे आहे की, माझ्याविरुद्धचा हा एफआयआर माझी प्रतिमा डागाळण्यासाठी करण्यात आला असून तक्रारीत पीडितेचे कोणतेही स्पष्ट वक्तव्य नाही.

तथापि, न्यायालयाने आपल्या 28 डिसेंबरच्या आदेशात हे प्रकरण गंभीर स्वरूपाचे असून पॉस्को कायद्यांतर्गत (POSCO laws) गुन्ह्यांचा समावेश असल्याचे सांगितले होते. या प्रकरणाची केस डायरी 7 जानेवारीला सादर करण्याचे निर्देश न्यायालयाने पोलिसांना दिले होते.