BJP Leader Shahnawaz Hussain: भाजप नेते आणि माजी केंद्रीय मंत्री शहनाबाज हुसैन यांना उच्च न्यायालयाने दिलासा देण्यास नकार दिला आहे. न्यायालयाने दिल्ली पोलिसांना महिलेवर बलात्कार केल्याप्रकरणी हुसैन यांच्याविरोधात तात्काळ गुन्हा दाखल करण्याचे आदेश दिले आहेत. यासोबतच तीन महिन्यांत तपास पूर्ण करुन आरोपपत्र दाखल करण्याचे आदेशही न्यायालयाने दिले आहेत. 2018 मध्ये महिलेने माजी केंद्रीय मंत्री हुसैन यांच्यावर बलात्काराचा आरोप केला होता.
दरम्यान, उच्च न्यायालय (High Court) माजी केंद्रीय मंत्री आणि भाजपचे ज्येष्ठ नेते शाहनवाज हुसैन यांच्या अडचणी वाढवू शकते. न्यायालयाने त्यांना दिलासा देण्यास नकार देताना दिल्ली पोलिसांना (Delhi Police) महिलेवर बलात्कार केल्याप्रकरणी त्यांच्यावर तात्काळ गुन्हा दाखल करण्याचे आदेश दिले आहेत.
दुसरीकडे, न्यायमूर्ती आशा मेनन यांनी दिल्ली पोलिसांना तीन महिन्यांत या प्रकरणाची चौकशी करुन फौजदारी कलम 173 अंतर्गत संबंधित न्यायालयात अहवाल (Charge Sheet) दाखल करण्याचे निर्देश दिले आहेत.
न्यायमूर्ती मेनन यांनी निरीक्षण नोंदवले की "याचिकाकर्ते हुसैन यांच्या विरोधात एफआयआर नोंदवण्यास पोलिस पूर्णपणे नाखूष दिसत आहेत." याप्रकरणी पोलिसांच्या कामकाजावरही न्यायालयाने प्रश्न उपस्थित केले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.
