कोलकाता विमानतळावर मोठ्या प्रमाणावर हेरॉईन जप्त करण्यात आले आहे. मिळालेल्या माहितीनुसार, महसूल गुप्तचर संचालनालयाने (डीआरआय) दोन महिलांसह तीन आफ्रिकन प्रवाशांकडून सुमारे 113 कोटी रुपयांचे 16.15 किलो हेरॉईन जप्त केले आहे. पोलीस या प्रकरणाचा तपास करत आहेत.
गुप्त माहितीच्या आधारे कारवाई (action) करत डीआरआयने तीन आरोपींना पकडले. मिळालेल्या माहितीनुसार, एक आरोपी केनियाचा आहे. तर दोन महिला मलावी येथील आहेत.
एजन्सीने दिलेल्या माहितीनुसार, आरोपींकडे 4 बॅग होत्या. विमानतळावर (Airport) त्यांची तपासणी केली असता तपकिरी पावडरने भरलेली 14 पाकिटे आढळून आली. डीआरआयच्या अधिकाऱ्याने सांगितले की, आरोपींकडून हेरॉईन जप्त करण्यात आले आहे. यातील दोन आरोपी मेडिकल (Medical) व्हिसावर आले होते, तर एक बिझनेस व्हिसावर भारतात आला होता, असे त्यांनी सांगितले.
एजन्सीनुसार, अधिकाऱ्याने सांगितले की, आरोपी आधी आफ्रिकेतून दुबईला गेला. तेथून त्यांनी कोलकात्याला विमान पकडले. या प्रकरणाचा तपास सुरू आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
