Love Story: प्रेम खरे असेल, तर प्रियकर-प्रेयसीला कोणतीही सीमा रोखू शकत नाही, ना धर्म ना जात… होय, हे विधान खरे करुन सातासमुद्रापार राहणाऱ्या बार्बरा पोलक या महिलेने आपला प्रियकर शादाब मलिकला भेटण्यासाठी झारखंडमधील हजारीबाग गाठले. 45 वर्षीय बार्बरा पोलक तिची सहा वर्षांची मुलगी अनन्यासोबत भारतात आली आहे.
दरम्यान, 2021 मध्ये पोलंडची (Poland) रहिवासी असलेल्या बार्बरा पोलकने झारखंडमधील हजारीबाग जिल्ह्यातील कटकमसांडी पोलीस स्टेशन परिसरात राहणारा शादाब मलिक याच्याशी सोशल मीडिया साइट इन्स्टाग्रामवर मैत्री केली होती. हळूहळू या मैत्रीचे रुपांतर प्रेमात झाले. विशेष म्हणजे, तिने शादाबला भेटण्यासाठी व्हिसासाठी अर्ज केला.
प्रदीर्घ कायदेशीर प्रक्रियेनंतर अखेर पोलंडच्या बार्बरा पोलकला पाच वर्षांसाठी भारतात येण्याचा व्हिसा मिळाला. व्हिसा मिळताच तिने थेट पोलंडहून दिल्लीमार्गे झारखंडमधील (Jharkhand) हजारीबाग गाठले. सुमारे पाच दिवस हजारीबागमधील एका हॉटेलमध्ये राहिल्यानंतर ती प्रियकराला भेटण्यासाठी हजारीबागच्या कटकमसंडी पोलीस ठाण्याच्या हद्दीतील खुत्रा गावात पोहोचली.
दुसरीकडे, या परदेशी महिलेला पाहण्यासाठी खुत्रा गावात लोक जमले होते. या प्रेमकथेतील सर्वात रंजक गोष्ट म्हणजे बार्बरा पोलकचे वय 45 वर्षे आहे, तर तिचा प्रियकर शादाब मलिकचे वय 35 वर्षे आहे.
शादाबने हार्डवेअर नेटवर्किंगमध्ये डिप्लोमा केला आहे आणि तो त्याच्या करिअरच्या शोधात होता. यादरम्यान त्याची पोलंडची रहिवासी बार्बरा पोलक हिच्याशी इन्स्टाग्रामवर मैत्री झाली. आता शादाब मलिकही प्रेम मिळाल्यानंतर पोलंडला जाण्यासाठी व्हिसासाठी अर्ज करण्याची तयारी करत आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.