हरियाणातील (Haryana) गुरुग्राम जिल्ह्यातील मानेसरमध्ये काल रात्रीपासून लागलेली भीषण आग अद्याप आटोक्यात आली नाही. सेक्टर-6 जवळील कचऱ्याच्या ढिगाऱ्याला सोमवारी रात्री 10 वाजण्याच्या सुमारास भीषण आग लागली. जी वादळामुळे अनेक किलोमीटरच्या परिसरात पसरले. दुसरीकडे घटनेची माहिती मिळताच घटनास्थळी दाखल झालेल्या अग्निशमन विभागाच्या 35 हून अधिक गाड्याही आगीला आटोक्यात आणण्यात अपयशी ठरले आहे. (Gurugram Fire News)
मिळालेल्या माहितीनुसार, गुरुग्रामच्या मानेसर सेक्टर 6 मध्ये लागलेल्या भीषण आगीमध्ये सुमारे 50 एकरमध्ये बांधलेली झोपडपट्या जळून खाक झाल्या आहेत. सुमारे पाच किलोमीटरच्या परिसरात पसरलेली आग आटोक्यात आणण्याचे प्रयत्न सुरू आहेत. आगीत होरपळून आतापर्यंत एका महिलेचा मृत्यू झाला असून 6 लोक जखमी झाल्याची माहिती आहे.
असे सांगितले जात आहे की मानेसर सेक्टर-6 मधील ककरौला गावात काही झोपडयांमध्ये रात्रीचे जेवण तयार केले जात होते, तेव्हा जोरदार वादळ आले, त्यामुळे ठिणगी कचऱ्याच्या ढिगाऱ्यापर्यंत पोहोचली आणि बघता बघता भीषण आग लागली. आग इतकी वेगाने पसरली की लोकांना घरातील सामान बाहेर काढण्याची संधी मिळाली नाही. झोपडपट्टीत ठेवलेले गॅस सिलिंडरही (Cylinder) आगीच्या झपाट्यात आले आणि रात्री स्फोट होत राहिले. या आगीमुळे अनेक गरीब कुटुंबे बेघर झाली आहेत.पोलीस आणि प्रशासनाचे अधिकारी घटनास्थळी हजर आहेत. अग्निशमन दलाच्या गाड्यांसोबतच अग्निशमन दलाचे 250 हून अधिक गाड्या रात्रीपासून आगीवर नियंत्रण मिळवण्याचे प्रयत्न करत आहेत. सध्या परिस्थिती नियंत्रणात आल्यानंतरच आगीमुळे झालेल्या नुकसानीचा अंदाज येईल.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.