Jaishankar on US Ambassador's Statement in Pannu Case: अमेरिकेचे भारतातील राजदूत एरिक गार्सेटी यांनी अलीकडेच खलिस्तानी दहशतवादी गुरपतवंत सिंग पन्नूच्या कथित हत्येच्या खटल्याबबाबत वक्तव्य केले होते. याच्या तपासात अमेरिका आणि भारत एकत्र काम करत आहेत, असे ते म्हणाले होते. यासोबतच रेड लाइन ओलांडू नये आणि परदेशी नागरिकाच्या हत्येच्या प्रयत्नात कोणत्याही देशाचा किंवा कोणत्याही देशाच्या नागरिकाचा सहभाग मान्य करता येणार नाही, असेही ते म्हणाले होते. त्याचवेळी, आता भारताचे परराष्ट्र मंत्री एस जयशंकर यांचे यासंदर्भात वक्तव्य आले आहे.
एएनआय वृत्तसंस्थेने दिलेल्या वृत्तानुसार, जयशंकर म्हणाले की राजदूत म्हणून गार्सेटी जे बोलतात किंवा विचार करतात ते त्यांच्या सरकारची भूमिका दर्शवतात. याबाबत आमची भूमिका वेगळी आहे. जयशंकर पुढे म्हणाले की, या प्रकरणी आमच्या सरकारची भूमिका अशी आहे की, आम्हाला काही महत्त्वाची माहिती मिळाली असून आम्ही तपास करत आहोत. गार्सेटी यांनी म्हटले होते की, कोणतेही सरकार किंवा त्या देशाचा नागरिक आपल्याच नागरिकाच्या हत्येत सहभागी होऊ शकत नाही. ही 'रेड लाइन' आहे जी अजिबात स्वीकारता येणार नाही.
याशिवाय, जयशंकर यांनी कच्चातिवू बेटाबद्दलही सविस्तर सांगितले. हे 1958 आणि 1960 मध्ये घडल्याचे त्यांनी सांगितले. या प्रकरणात मुख्य लोकांची इच्छा होती की, आपल्याला कमीत-कमी मासेमारी करण्याची परवानगी देण्यात यावी. मात्र, भारताने 1974 मध्ये हे बेट आणि 1976 मध्ये मासेमारीचे हक्क गमावले गेले. तत्कालीन सरकार आणि देशाच्या पंतप्रधानांनी याकडे लक्ष दिले नाही. जयशंकर यांनी पुढे सांगितले की, जवाहरलाल नेहरु 1961 मध्ये म्हणाले होते की, मी या छोट्याशा बेटाला महत्त्व देत नाही आणि त्यावरील भारताचा दावा सोडण्यास कोणत्याही प्रकारचा संकोच असणार नाही.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
