जम्मू-काश्मीरची राजधानी श्रीनगर येथील लाल चौकात दहशतवाद्यांनी रविवारी हल्ला केला. या हल्ल्यात ग्रेनेडचा वापर करण्यात आला होता. हल्ल्यामध्ये 20 जण जखमी झाल्याची माहिती समोर आली आहे. जखमींना उपचारासाठी रुग्णालयात (Hospital) दाखल करण्यात आले आहे.
मिळालेल्या माहितीनुसार, श्रीनगरच्या लाल चौकात एका संशयित दहशतवाद्याने पोलिस (Police) आणि सुरक्षा दलाच्या संयुक्त पथकावर ग्रेनेडने हल्ला केला. श्रीनगर जिल्ह्यात झालेल्या या हल्ल्यात एका नागरिकाचा मृत्यू झाला असून 20 जण जखमी झाले आहेत. जखमींवर उपचार सुरू असून त्यांची प्रकृती स्थिर असल्याचे सांगण्यात येत आहे.
या हल्ल्यानंतर सुरक्षा दलांनी परिसराला वेढा घातला आहे. सुरक्षा दलांनी कारवाई सुरू केली आहे, असे एका वरिष्ट पोलिस अधिकाऱ्याने सांगितले.
दहशतवाद्याला अटक
एका दहशतवाद्याला (Terrorist) पकडल्याचा दावा गांदरबल पोलिसांनी केला आहे. गांदरबल पोलिसांनी दिलेल्या माहितीनुसार, लश्कर-ए-तैयबाच्या एका दहशतवाद्याला केंद्रीय राखीव पोलिस दल (CRPF) च्या 24 RR आणि 115 बटालियनने पकडले आहे. मोहम्मद अल्ताफ वानी असे अटक करण्यात आलेल्या दहशतवाद्याचे नाव आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
