जम्मू काश्मीरात ग्रेनेड हल्ला

जम्मू कश्मीरच्या (Jammu and Kashmir) बारामुल्ला (Baramullah) शहरात ग्रेनेड हल्ल्यात दोन सीआरपीएफ जवान (CRPF) आणि एक पोलीस जखमी झाल्याची माहिती मिळत आहे.

जम्मू-काश्मीरच्या बारामुल्ला जिल्ह्यात झालेल्या या धमाकेदार हल्ल्यात केंद्रीय राखीव पोलिस दल (सीआरपीएफ) चे दोन जवान आणि जम्मू-काश्मीर पोलिस कर्मचारी जखमी झाले आहेत. ताज्या माहितीनुसार, दहशतवाद्यांच्या या ग्रेनेड हल्ल्यात एक नागरिक देखील जखमी झाला आहे.

बारामुल्ला शहरातील खानपुरा पुलाजवळ दहशतवाद्यांनी दुपारी सुरक्षा दलावर ग्रेनेड फेकला, असे पोलिस अधिकाऱ्यांनी सांगितले असून जखमी सुरक्षा कर्मचा्यांना रुग्णालयात नेण्यात आले आहे तर दहशतवाद्यांना पकडण्यासाठी हा परिसर घेरला गेला असल्याचेही सांगण्यात आले आहे.

जम्मू-काश्मीर पोलिसांनी सांगितले की, बारामुल्ला येथे झालेल्या ग्रेनेड हल्ल्यात सीआरपीएफचे दोन जवान आणि एक नागरिक जखमी झाले आहेत.पण याबात आणखीनही सविस्तर माहिती मिळू शकली नाही. जखमी जवानांना तातडीने रुग्णालयात उपचारासाठी दाखल करण्यात आले असून त्यांच्यावर उपचार सुरू आहेत. या ग्रेनेड हल्ल्यामागील दहशतवाद्यांचा शोध घेण्याचा प्रयत्न पोलीस आणि सुरक्षा दल करत आहेत.