Good news : आता भोपाळहून नागपूर, गोवा, चंदीगड आणि गोरखपूरसाठी विमानसेवा सुरू

आगामी उन्हाळी हंगाम पाहता आणि प्रवासाची आवड असलेल्या लोकांसाठी एक आनंदाची बातमी आहे. राजा भोज विमानतळावरून नागपूर, चंदीगड, गोवा (goa) आणि गोरखपूरसाठी विमानसेवा उपलब्ध असणार आहे. याशिवाय बंद झालेली जयपूर, पुणे आणि कोलकाता उड्डाणे पुन्हा सुरू होणार आहेत. ही तयारी इंडिगो आणि टाटा संचालित एअर इंडियाकडून (Air India) केली जात आहे. दोन्ही कंपन्यांनी स्लॉटसाठी विमानतळ प्राधिकरणाशी संपर्क साधला आहे.

चेन्नईला थेट उड्डाण

इंडिगोने 29 मार्चपासून भोपाळ आणि चेन्नई दरम्यान थेट विमानसेवा (Airlines) सुरू करण्याची घोषणा केली आहे. एवढेच नाही तर बुकिंगही सुरू झाले आहे. हे विमान मंगळवार, गुरुवार आणि शनिवारी धावणार आहे.

15 उड्डाणे

सर्वप्रथम 1 मार्चपासून कोरोनाच्या काळात बंद केलेल्या दिल्ली आणि मुंबईसाठी नियमित वेळापत्रकानुसार उड्डाणे सुरू करण्याची तयारी सुरू आहे. यानंतर विमानतळावरून 15 उड्डाणे सुरू होणार आहेत.