Family Members Contesting Against Each Other In Madhya Pradesh Assembly Election on Five seats:
सध्या मध्य प्रदेशात विधान सभा निवडणुकीचे जोरदार वारे वाहत आहे. अशात या निवडणुकीत मुख्य प्रतिस्पर्धी कॉंग्रेस आणि भाजपने दिलेल्या काही उमवारांमुळे एकाच घरात दोन पक्ष असे चित्र निर्माण झाले आहे.
त्यामुळे या निवडणुकीत कॉंग्रेस, भाजप किंवा कोणती पार्टी नव्हे तर कुटुंबातीलच एकाचा विजय होणार हे निश्चित झाले आहे.
मध्य प्रदेशात असे पाच विधानसभा मतदारसंघ आहेत, जिथे कोणताही पक्ष जिंकला तरी विजयी उमेदवार कुटुंबातीलच असणार आहे.
2023 च्या मध्य प्रदेशच्या विधानसभा निवडणुकीची तुलना आधीच 'महाभारत'शी केली जात आहे. यात आता भाऊ विरुद्ध भाव, काका विरुद्ध पुतण्या, सासू विरुद्ध सून आणि मेहुणे विरुद्ध मेहुणे यांच्यात लढत होणार आहे.
होशंगाबादमध्ये, सत्तरीतील दोन भाऊ एकमेकांसमोर उभे ठाकले आहे. भाजपने विधानसभेचे माजी सभापती सीताशरण शर्मा यांना त्यांचा मोठा भाऊ, काँग्रेस उमेदवार गिरिजा शंकर शर्मा यांच्या विरोधात रिंगणात उतरवले आहे.
2008 मध्ये, गिरिजा शंकर यांनी होशंगाबादमधून भाजपच्या तिकिटावर विधानसभा निवडणूक लढवली आणि 25,097 मतांनी विजयी झाले.
पुढच्या निवडणुकीत भाजपने सीताशरण यांना उभे केले, जे विजयी झाले आणि सभापतीपदी निवडून आले. पण जेव्हा पक्षाने 2018 मध्ये सीताशरण यांना पुन्हा उमेदवारी दिली तेव्हा गिरीजा शंकर यांनी विरोध म्हणून राजीनामा दिला. नंतर त्यांना महत्त्वाची भूमिका दिली जाईल, असे आश्वासन दिल्यानंतर त्यांनी पुन्हा भाजपमध्ये प्रवेश केला.
सीताशरण यांनी 2018 ची निवडणूक जिंकली पण गिरिजा शंकर यांना त्यांना हवी असलेली भूमिका मिळाली नाही. गेल्या महिन्यात त्यांनी भाजपचा त्याग केला आणि पीसीसी प्रमुख कमलनाथ यांची भेट घेतली. काँग्रेसने त्यांना होशंगाबादमधून उमेदवारी दिली. दोन दिवसांनंतर भाजपने सीताशरण यांना त्यांच्या विरोधात उभे केले.
देवतलाबमध्ये विधानसभा सभापती गिरीश गौतम यांना त्यांचा तरुण पुतण्या पद्मेश गौतम यांनी आव्हान दिले असून, ते काँग्रेसकडून उभे आहेत.
आता चार वेळा आमदार राहिलेल्या गिरीश रीवा येथील मंगवांमधून माजी सभापती आणि काँग्रेसचे दिग्गज नेते श्रीनिवास तिवारी यांचा पराभव केल्यावर ते प्रसिद्ध झाले.
श्रीनिवास हे ‘व्हाइट टायगर’ म्हणून प्रसिद्ध होते, त्यांचा राजकीय वर्तुळात मोठा आदर आणि दरारा होता.
विद्यमान विधानसभेचे अध्यक्ष गौतम यांनी 2003 मध्ये 26,930 मतांनी व्हाईट टायगरचा पराभव केला होता. त्यानंतर, त्यांनी देवतलाबमधून तीनदा विजय मिळवला, तरीही 2018 मध्ये त्यांचे मताधिक्य केवळ 1,080 मतांवर घसरले होते. यावर्षी त्यांचा सामना त्यांचा पुतण्या पद्मेश गौतमशी आहे.
सागरमधील शैलेंद्र जैन आणि त्यांच्या धाकट्या भावाची पत्नी निधी जैन यांच्यात जोरदार टक्कर होत आहे.
या जागेवरून तीन वेळा भाजपचे आमदार असलेले शैलेंद्र निधी यांच्यापेक्षा अधिक अनुभवी राजकारणी आहेत. गेल्या वर्षी सागरच्या महापौरपदाच्या निवडणुकीतील पराभवानंतरही काँग्रेसने पुन्हा निधी यांच्यावर विश्वास ठेवला आहे.
डबरा येथे इवाय सुरेश राजे आणि वहिनी इमरती देवी तिसऱ्यांदा भिडणार आहेत. २००८, २०१३ आणि २०१८ मध्ये काँग्रेसचे उमेदवार म्हणून विजयी झालेल्या इमरती देवी या जागेवरून तीनदा आमदार झाल्या आहेत. 2013 मध्ये, त्यांनी राजे यांचा (भाजपच्या उमेदवार) 33,278 मतांनी पराभव केला.
मार्च 2020 मध्ये, इमरती या 22 काँग्रेस आमदारांपैकी एक होते ज्यांनी पक्ष सोडला आणि भाजपमध्ये प्रवेश केला. नोव्हेंबर 2020 च्या पोटनिवडणुकीत राजे यांना काँग्रेसने उभे केले आणि त्यांनी इमरती यांचा ७,६३३ मतांनी पराभव केला.
तिमरणी विधानसभेच्या जागेवर पुतणे आणि काका यांच्यात दुसऱ्यांदा चुरशीची लढत होणार आहे. काँग्रेसचे उमेदवार अभिजित शाह हे अजय शाह मकराई यांचे पुत्र असून भाजपचे उमेदवार संजय शाह यांचे मोठे बंधू आहेत.
2018 च्या विधानसभा निवडणुकीत, संजय यांनी आपल्या पुतण्याला फक्त 2,213 मतांनी पराभूत केले होते.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.