कुतुबमिनार संकुलात होणार उत्खनन, आयकॉनोग्राफी करण्याच्या सूचना

राष्ट्रीय राजधानी दिल्लीत असलेल्या कुतुबमिनार संकुलात उत्खनन सुरु होऊ शकते. सूत्रांनी दिलेल्या माहितीनुसार, केंद्रीय सांस्कृतिक मंत्रालयाने कुतुबमिनारमध्ये मूर्तींचे Iconography तयार करण्याचे निर्देश दिले आहेत. कुतुबमिनार संकुलातील अहवालाच्या आधारे उत्खनन सुरु होणार आहे. ASI उत्खननासाठी सांस्कृतिक मंत्रालयाला अहवाल देईल. सांस्कृतिक सचिवांनी शनिवारी अधिकाऱ्यांसमवेत केलेल्या भेटीत हे निर्णय घेतले आहेत. सूत्रांकडून मिळालेल्या माहितीनुसार, मिनाराच्या दक्षिणेला असलेल्या मशिदीपासून 15 मीटर अंतरावर उत्खनन सुरु केले जाऊ शकते.

आयकॉनोग्राफी म्हणजे काय?

आयकॉनोग्राफी ही कला इतिहासाची एक शाखा आहे. Iconography मूर्तींच्या सामग्रीची ओळख, वर्णन आणि व्याख्या यांचा अभ्यास करते. काही दिवसांपूर्वी साकेत कोर्टात कुतुबमिनार संकुलात असलेल्या कुवुतुल इस्लाम मशिदीमध्ये (Mosque) हिंदू देवतांचा जीर्णोद्धार आणि पूजा करण्याचा अधिकार मिळावा यासाठी याचिका दाखल करण्यात आली होती. ज्यावर आज 24 मे रोजी साकेत न्यायालयात (Court) सुनावणी होणार आहे.

दुसरीकडे, याचिकेत दावा करण्यात आला आहे की, मुहम्मद घोरीचा सेनापती कुतुबुद्दीन ऐबकने (Qutbuddin Aibak) 27 मंदिरे पाडली होती. त्यानंतर या परिसरात कुव्वत-उल-इस्लाम मशीद बांधली होती.