Election 2023: 'आम्ही साधू-संन्यासी नाही...'- नितीन गडकरींचे निवडणुकांवर वक्तव्य

Election 2023: केंद्रिय परिवहन आणि हायवे मंत्री नितीन गडकरी यांनी आगामी निवडणुकांबाबत वक्तव्य केले आहे. 2023 मध्ये 9 राज्यांमध्ये निवडणुका होणार आहेत. यावर गडकरींनी म्हटले आहे की, प्रत्येक नेता निवडणुका लक्षात ठेऊनच राजकारणात येत असतो.

आम्ही राजकारणात आलो आहोत. आम्ही कोणी साधू संत नाही. पुजा-अर्चना करण्यासाठी राजकारणात आलो नाही तर निवडणुका लढण्यासाठी आलो आहोत. ज्यांचे काम चांगले आहे त्यांना जनता निवडणून देते. प्रत्येक पक्ष असाच असतो.

दक्षिणेकडील राज्ये मोठे नुकसान होत असूनदेखील मोफत वीज( Electricity) पुरवतात. विरोधी पक्षांच्या म्हणण्यानुसार, यावर्षी 9 राज्यात निवडणुका होणार आहेत आणि त्यामुळे शासन नवीन प्रकल्प आणत आहे. यावर गडकरींनी म्हटले आहे की , देशात कोणते असे राज्य आहे जिथे रोड बनला नाही.

नितिन गडकरींनी असेही म्हटले आहे की, मी निवडणुका बघून टार्गेट्स आखत नाही. काही टार्गेटस आखली आहेत. 2024 संपेपर्यत भारतात युएस दर्जाचे इनफ्रास्टक्चर पुर्ण केले जाईल असेही त्यांनी म्हटले आहे. काम करत राहिले पाहिजे आणि मी काम करण्यावर विश्वास ठेवतो असे वक्तव्य नितीन गडकरी यांनी निवडणुकां( Election) बाबत केले आहे.