अखिलेश यादव यांचं मोठं वक्तव्य, राकेश टिकैत आमच्यासोबत निवडणूक लढवणार असतील तर..

यूपी निवडणुकीत शेतकरी नेते राकेश टिकैत (Rakesh Tikait) यांच्या सक्रियतेवर सातत्याने प्रश्न उपस्थित होत आहेत. त्यांना निवडणूक लढवायची की नाही, ते कोणत्याही पक्षाशी हातमिळवणी करणार की नाही यावर सस्पेन्स कायम आहे. मात्र या सस्पेन्समध्येच सपा प्रमुख अखिलेश यादव यांचे मोठे वक्तव्य आले आहे. राकेश टिकैत यांना निवडणूक लढवायची असेल तर त्यांचे स्वागत करू, असे अखिलेश यांनी आज बोलताना सांगितले. राकेश टिकैत आमच्यासोबत निवडणूक लढवणार असतील तर मी त्यांचे स्वागत करतो, असे अखिलेश म्हणाले. ते शेतकऱ्यांचे मोठे नेते आहेत, त्यांचे आंदोलनही राजकारणापासून दूर राहिले आहे. अशा परिस्थितीत त्यांना हा निर्णय घ्यावा लागणार आहे.

त्यांना निवडणूक (Election) लढवायची असेल तर आम्ही त्याचे स्वागत करू. आता संपूर्ण राज्यात शेतकर्‍यांचा मुद्दा खूप मोठा मानला जात असताना, लखीमपूर हिंसाचारामुळे शेतकर्‍यांचा एक वर्ग भाजपवर नाराज असल्याचे बोलले जात आहे, अशातच अखिलेश यादव (Akhilesh Yadav) यांचे तिकीटाबाबतचे वक्तव्य अनेक समीकरणे बदलू शकते. तसे, संभाषणादरम्यान अखिलेश यादव यांनी पीएम मोदींच्या प्रचाराबाबतही व्यक्तव्य केल आहे. यावेळी पंतप्रधान मोदींशी तुमची स्पर्धा आहे का, असे विचारले असता अखिलेश यांनी यावर स्पष्ट केले की, संपूर्ण तरुण मतदार त्यांच्या पाठीशी उभा आहे.

त्याचवेळी ते पंतप्रधानांचे नाव घेणे टाळत आहेत कारण ही केंद्राची नाही तर यूपीची निवडणूक आहे. त्याचवेळी निवडणुकीत सपाच्या लाल टोपीवरून राजकारण तीव्र झाले आहे. पंतप्रधानांनीही जोरदार हल्ला चढवत याला रेड अलर्ट म्हटले आहे. आता अखिलेश म्हणतात की, भाजपला भावना समजत नाहीत, हा लाल रंग भाजपसाठी धोक्याची घंटा आहे, हे त्यांचे सरकार जाणार असल्याचे लक्षण आहे. त्यांच्या म्हणण्यानुसार माँ दुर्गेचा रंग लाल असतो, सिंदूराचा रंग लाल राहतो, पण भाजपला हे सर्व समजत नाही.