Presidential Election: निवडणूक आयोग येत्या काही दिवसांत राष्ट्रपती निवडणुकीचा कार्यक्रम जाहीर करु शकतो. घटनेच्या अनुच्छेद 62 चा संदर्भ देत, राष्ट्रपती राम नाथ कोविंद यांचा कार्यकाळ 24 जुलै रोजी संपत आहे. त्यापूर्वी पुढील राष्ट्रपती निवडण्यासाठीची निवडणूक संपली पाहिजे.
कोण मतदान करु शकतो?
संसदेच्या दोन्ही सभागृहांच्या सदस्यांव्यतिरिक्त, सर्व राज्यांच्या विधानसभांचे निवडून आलेले सदस्य, राष्ट्रीय राजधानी प्रदेश दिल्ली (Delhi) आणि केंद्रशासित प्रदेश पुद्दुचेरी राष्ट्रपतीपदाच्या निवडणुकीत मतदान करु शकतात.
राज्यसभा, लोकसभा किंवा विधानसभेच्या (Legislative Assembly) नामनिर्देशित सदस्यांना राष्ट्रपतीपदाच्या निवडणुकीत मतदान करण्याचा अधिकार नाही. त्याचप्रमाणे राज्यांच्या विधान परिषदेच्या सदस्यांनाही राष्ट्रपतीपदाच्या निवडणुकीत भाग घेण्याचा अधिकार नाही. विशेष म्हणजे 2017 मध्ये राष्ट्रपती (President) निवडणुकीसाठी 17 जुलै रोजी मतदान झाले होते. 20 जुलै रोजी मतमोजणी झाली होती.
शिवाय, राष्ट्रपतीपदाच्या निवडणुकीत मतदान करणाऱ्या इलेक्टोरल कॉलेजमधील राजकीय आघाड्यांबाबत बोलायचे झाल्यास, काँग्रेसच्या (Congress) नेतृत्वाखालील यूपीए आघाडीला जवळपास 23 टक्के मते मिळाली आहेत. त्याच वेळी, एनडीए आघाडीकडे सुमारे 49 टक्के मते आहेत.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
