Earthquake In Delhi-NCR: दिल्लीत पुन्हा जाणवले भूकंपाचे धक्के, Video

Earthquake In Delhi-NCR: दिल्ली-एनसीआर आणि पंजाबमध्ये भूकंपाचे धक्के जाणवले. त्याचे केंद्र अफगाणिस्तानात असल्याचे सांगितले जात आहे.

दिल्ली, नोएडा, गाझियाबाद, जम्मू-काश्मीरसह अनेक ठिकाणी भूकंपाचे धक्के जाणवले आहेत. या भूकंपाचे धक्के इतके तीव्र होते की, लोक घराबाहेर पडले.

भूकंपाची तीव्रता रिश्टर स्केलवर 7.7 इतकी असल्याचे सांगण्यात येत आहे. रिश्टर स्केलवर एवढ्या तीव्रतेचा भूकंप अत्यंत धोकादायक मानला जातो.

पाकिस्तानातही भूकंपाचे धक्के जाणवले

भूकंपाचे हे धक्के पाकिस्तानातही (Pakistan) जाणवले आहेत. पाकिस्तानातील इस्लामाबाद, लाहोर आणि पेशावरमध्येही भूकंपाचे धक्के जाणवले आहेत. येथेही लोक घराबाहेर पळाले. अफगाणिस्तानचे हिंदुकुश हे भूकंपाचे केंद्र असल्याचे सांगितले जात आहे.

जम्मू-काश्मीरमध्येही लोक घराबाहेर पडले

जम्मू-काश्मीरमध्येही भूकंपाचे धक्के इतके जबरदस्त होते की, लोक घराबाहेर पडले. श्रीनगरमधून (Srinagar) समोर आलेल्या व्हिडिओमध्ये लोक घराबाहेर उभे आहेत.