कर्नाटक,महाराष्ट्र सिमाभागात जाणवले भूकंपाचे धक्के

आज सकाळी कर्नाटक आणि महाराष्ट्र या राज्यांच्या सीमावर्ती भागात भुकंप झाला आहे. या भुकंपाची तीव्रता मध्यम स्वरुपाची होती. यामध्ये कर्नाटकातील विजयपूर आणि महाराष्ट्रातील सोलापूर या ठिकाणांचा समावेश आहे. त्याची तीव्रता 4.4 रिश्टर स्केल एवढी होती. यामुळे नागरिकांमध्ये भितीचे वातावरण पसरले आहे. (Earthquake hit in karnataka and maharashtra border area )

कर्नाटक स्टेट नॅचरल डिझास्टर मॉनिटरिंग सेंटरने दिलेल्या माहितीनुसार आज सकाळी 6.22 वाजता हे धक्के जाणवले आहेत. याबाबत केएसएनडीएमसीचे संचालक मनोज राजन यांनी सांगितले की, भूकंपाचा केंद्रबिंदू हा कन्नूरपासून 2.3 किमी ईशान्येला होता. तसेच भूकंपाची तीव्रता मध्यम स्वरुपाची असल्याने केंद्रापासून 30-40 किलोमीटर अंतरापर्यंत हा भुकंप जाणवला. असे असले तरी अद्याप कोणती ही हानी झाली असल्याची माहिती मिळालेली नाही.

याबाबत तज्ज्ञांनी दिलेल्या माहितीनुसार या प्रकारच्या भूकंपामुळे स्थानिकांचे कोणतेही नुकसान होणार नाही. मात्र असे भूकंपाचे धक्के परत जाणवू शकतात. हा प्रदेश टेक्टोनिक खडकांच्या दृष्टीने कोणत्याही संरचनात्मक असंतुलनापासून रहित आहे. थरथरण्याची तीव्रता मध्यम आहे, म्हणून घाबरण्याची गरज नाही असे त्यांनी स्पष्ट केले.

मिळालेल्या माहितीनुसार महाराष्ट्रातील सोलापूरमध्येही भूकंपाचे धक्के जाणवले आहेत. यावेळी नागरिक घाबरून घराबाहेर पडले. तसेच प्रत्यक्षदर्शींनी दिलेल्या माहितीनुसार घरांमध्ये खुर्च्या, टेबल इत्यादी हलवताना दिसत होते.