दिल्ली पोलिसांनी उधळला मोठा कट; काला जाथेडी-लॉरेन्स बिश्नोई टोळीचे पाच शूटर गजाआड

Delhi Police Arrested 5 Shooters: दिल्ली पोलिसांनी एक मोठा कट उधळून लावला आहे. पोलिसांनी काला जाथेडी आणि लॉरेन्स बिश्नोई टोळीच्या पाच शूटर्संना अटक केली आहे. हे सर्व शूटर हरियाणाचे रहिवासी असल्याचे सांगण्यात येत आहे. या शूटर्संनी प्रतिस्पर्धी टोळीतील काही लोकांना ठा मारण्याची योजना आखली होती. मात्र दिल्ली पोलिसांनी त्यांना अटक करुन त्यांचा कट हाणून पाडला आहे. याबाबत माहिती देताना दिल्ली पोलिसांनी सांगितले की, या पाच शूटर्संकडून अत्याधुनिक शस्त्रेही जप्त करण्यात आली आहेत.

याआधी बिहारमधून लॉरेन्स विश्नोई टोळीच्या दोन शूटर्संनाही अटक करण्यात आली होती. सुनीव बरोलिया आणि शाहनवाज शाहिद अशी त्यांची नावे असून त्यांना मुझफ्फरपूर येथून अटक करण्यात आली. मिळालेल्या माहितीनुसार, पोलिसांना गुप्त माहिती मिळाली होती, त्यानंतर सीतामढी कोडवरील बसमधून दोघांना अटक करण्यात आली. त्यानंतर काही दिवसांनीच बाज टोळीतील आणखी पाच जणांना पोलिसांनी पकडले.

दरम्यान, गँगस्टर काला जाथेडी हा लॉरेन्स बिश्नोई टोळीचा सहकारी आहे. दिल्ली, हरियाणा, राजस्थान, उत्तर प्रदेश या राज्यांमध्ये त्याच्यावर अनेक गुन्हे दाखल आहेत. सध्या तो दिल्लीच्या तिहार तुरुंगात बंद आहे आणि 12 मार्चला तो लेडी डॉन अनुराधा चौधरीसोबत लग्न करणार आहे. त्यासाठी त्याला 6 तासांचा पॅरोलही मिळाला आहे. दिल्लीतील द्वारका येथे हा विवाहसोहळा पार पडणार असून, त्यावर सुमारे 200 पोलिसांचे लक्ष राहणार आहे. याशिवाय, येथील वेटर आणि इतर कर्मचाऱ्यांनाही आयडी देण्यात येणार आहेत.

दुसरीकडे, काला जाथेडीला 2021 मध्ये अटक करण्यात आली होती. त्याच्यावर खून, अपहरण, दरोडा, खंडणी अशा गुन्ह्यात गुन्हा दाखल आहे. मिळालेल्या माहितीनुसार, काला जाठारी यापूर्वी केबल ऑपरेटर म्हणून काम करत होता. पण त्यानंतर 2004 मध्ये त्याच्यावर दरोड्याचा गुन्हा दाखल झाला आणि काही वर्षांनी खुनाचा गुन्हा उघडकीस आला.