दिल्लीत पुन्हा अग्नितांडव, अग्निशमन दल घटनास्थळी दाखल

दिल्लीतील जीटी कर्नाल रोड येथील अटलांटिस बँक्वेट हॉलमध्ये आग लागली आहे. अग्निशमन दलाच्या 12 गाड्या घटनास्थळी दाखल झाल्या आहेत. आग विझवण्याचे शर्तीचे प्रयत्न सुरू आहेत. (Delhi Fire Breaks out in Atlantis Banquet Hall at GT Karnal Road 12 Fire Tenders Have)

दिल्लीतील उत्तर पश्चिम अशोक विहार येथील एका बँक्वेट हॉलमध्ये आग लागल्याची माहिती समोर आली आहे. अग्निशमन दलाच्या 12 गाड्या घटनास्थळी दाखल झाल्या आहेत. मात्र आगीचे कारण अद्याप समजू शकलेले नाही. आगीचे वृत्त कळताच परिसरात घबराट पसरली.

अशोक विहारच्या अटलांटिस वेंकट हॉलमध्ये ही आग लागली. याची माहिती अग्निशमन विभागाला देण्यात आली. त्यानंतर 12 गाड्या बचाव आणि मदत कार्यासाठी दाखल झाल्या आहेत. आग तळमजल्यावर लागली आहे. जास्त प्रमाणात धूर निघत असल्याने आग विझवण्यात अग्निशमन दलाला काही अडचणी येत आहेत.

माहितीनुसार, एक व्यक्ती बेशुद्ध अवस्थेत सापडला आहे, त्याला कॅटच्या रुग्णवाहिकेने रुग्णालयात पाठवण्यात आले आहे. सायंकाळी वाहतूक ठप्प झाल्याने अग्निशमन दलाला घटनास्थळी पोहोचण्यात अडचण आली. आगीचे कारण अद्याप समजू शकलेले नाही.