बिहारमधील कोविड सेंटरमध्ये लटकलेल्या अवस्थेत आढळला मृतदेह

बिहारमधील सीतामढीच्या डुमरा पोलिस स्टेशन हद्दीत असलेल्या कोविड सेंटरमध्ये गुरूवारी एका आरोग्य कर्मचाऱ्याचा संशयास्पद परिस्थितीत मृत्यू झाला. कोविड सेंटरच्या छतावर असलेल्या पाण्याच्या टाकीच्या पाईपला त्याचा मृतदेह लटकलेल्या अवस्थेत आढळून आला. घटनास्थळी दाखल झालेल्या पोलिसांनी या प्रकरणाचा तपास सुरू केला आहे. (Bihar News)

घटनास्थळी पोहोचलेले जिल्हा आरोग्य कर्मचारी संघटनेचे नेते रमाशंकर सिंह यांनी हा मृत्यू संशयास्पद असल्याचे म्हटले आहे. ही हत्या की आत्महत्या, याबाबत पोलिस (Police) तपास करत आहेत. मृताचे नाव प्रवीण गिरी असून तो बिहारच्या छपरा जिल्ह्यातील रहिवासी आहे. त्याची सीतामढी येथील सदर रुग्णालयात लॅब टेक्निशियन म्हणून नियुक्ती करण्यात आली होती. मृतदेह पोस्टमॉर्टमसाठी हॉस्पिटलमध्ये (Hospital) पाठवण्यात आला आहे.