केंद्र सरकारच्या लाखो कर्मचारी आणि निवृत्तीवेतनधारकांसाठी महागाई भत्त्याबाबत (Dearness Allowance - DA) महत्त्वाची चर्चा सुरू आहे. जून 2026 च्या AICPI-IW (All India Consumer Price Index for Industrial Workers) निर्देशांकानंतर महागाई भत्ता 60 टक्क्यांवरून 63 टक्क्यांपर्यंत वाढण्याची शक्यता व्यक्त केली जात आहे. मात्र, याबाबत केंद्र सरकारकडून अद्याप कोणतीही अधिकृत घोषणा करण्यात आलेली नाही. त्यामुळे सध्या हे सर्व अंदाजे गणित असून अंतिम निर्णय केंद्रीय मंत्रिमंडळाच्या मंजुरीनंतरच स्पष्ट होणार आहे.
महागाई भत्त्याची गणना औद्योगिक कामगारांसाठीच्या ग्राहक किंमत निर्देशांकाच्या (AICPI-IW) मागील 12 महिन्यांच्या सरासरीवर आधारित केली जाते. जून 2026 पर्यंत हा निर्देशांक सरासरी 148.65 इतका नोंदवण्यात आला आहे. त्यानुसार महागाई भत्त्याचा दर 63.76 टक्के इतका येतो. सामान्यतः सरकार पूर्णांकात DA जाहीर करत असल्याने तो 63 टक्के निश्चित होण्याची शक्यता व्यक्त केली जात आहे.
जर DA मध्ये 3 टक्क्यांची वाढ होऊन तो 63 टक्के झाला, तर कर्मचाऱ्यांच्या मासिक वेतनात थेट वाढ होईल. त्याचबरोबर लागू होणाऱ्या कालावधीनुसार एरिअरचाही लाभ मिळू शकतो.
लेव्हल-1 कर्मचाऱ्यांना दरमहा सुमारे ₹540 अतिरिक्त DA मिळू शकतो. सहा महिन्यांचे एरिअर अंदाजे ₹3,240 इतके असू शकते.
लेव्हल-2 मध्ये ही वाढ सुमारे ₹597 प्रति महिना, तर एरिअर ₹3,582 पर्यंत जाऊ शकते.
लेव्हल-3 कर्मचाऱ्यांना अंदाजे ₹651, लेव्हल-4 ला ₹765, तर लेव्हल-5 ला सुमारे ₹876 अतिरिक्त DA मिळण्याची शक्यता आहे.
उच्च वेतनश्रेणीतील कर्मचाऱ्यांना DA वाढीचा अधिक लाभ मिळू शकतो.
लेव्हल-6 : सुमारे ₹1,062 प्रति महिना
लेव्हल-7 : सुमारे ₹1,347 प्रति महिना
लेव्हल-8 : सुमारे ₹1,428 प्रति महिना
लेव्हल-9 : सुमारे ₹1,593 प्रति महिना
लेव्हल-10 : सुमारे ₹1,683 प्रति महिना
यामध्ये सहा महिन्यांचे संभाव्य एरिअर अनुक्रमे हजारो रुपयांपर्यंत जाऊ शकते.
सध्या समोर आलेले सर्व आकडे AICPI-IW निर्देशांकावर आधारित संभाव्य अंदाज आहेत. महागाई भत्त्यातील वाढ अधिकृतपणे लागू होण्यासाठी वित्त मंत्रालयाची शिफारस आणि त्यानंतर केंद्रीय मंत्रिमंडळाची मंजुरी आवश्यक आहे. तोपर्यंत केंद्र सरकारचे कर्मचारी सातव्या वेतन आयोगानुसार लागू असलेला विद्यमान DAच मिळवत राहतील.
जर सरकारने 63 टक्के महागाई भत्त्याला मंजुरी दिली, तर त्याचा लाभ लाखो केंद्रीय कर्मचारी आणि पेन्शनधारकांना मिळणार असून वाढीव वेतनासह एरिअरमुळेही आर्थिक दिलासा मिळू शकतो.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.