Cyclone Tej: अरबी समुद्रात कमी दाबाचा पट्टा तयार झाला आहे. त्याचे चक्रीवादळात रूपांतर होण्याची शक्यता भारतीय हवामान विभागाने शुक्रवारी वतर्वली होती. पुढील 24 तासात हे चक्रीवादळ आणखी तीव्र होऊ शकते.
हे वादळ मुंबई आणि गुजरातसह इतर किनारी भागात धडकू शकते, असा प्राथमिक अंदाज वर्तवण्यात आला होता. परंतु वादळाच्या ताज्या मार्गावरून असे दिसून येते की त्याचा भारतीय किनारपट्टीला काहीही धोका असणार नाही. हे चक्रीवादळ ओमानच्या दिशेने पुढे सरकत आहे.
दरम्यान, 21 ऑक्टोबरच्या सकाळपासून हवामानात बदल जाणवेल, असे आयएमडीने म्हटले होते.
अरबी समुद्रातील या वर्षातील हे दुसरे चक्रीवादळ आहे. हिंद महासागरातील चक्रीवादळांच्या नावासाठी स्वीकारलेल्या सूत्रानुसार या वादळाला 'तेज' असे नाव देण्यात आले आहे.
रविवारी हे वादळ ओमान, येमेनची दक्षिण किनारपट्टी या दिशेला सरकू शकते. दरम्यान, काही संस्थांनी ते पाकिस्तान आणि गुजरात किनारपट्टीकडे जाऊ शकते, असेही म्हटले होते.
हवामान खात्याने दिलेल्या माहितीनुसार, गुजरात आणि मुंबईच्या किनारपट्टीसह अनेक भागात जोरदार वारे आणि पाऊस पडण्याची शक्यता वर्तवण्यात आली होती.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.