राजस्थानमध्ये संचारबंदी लागू; करौली शहर आगीच्या भक्ष्यस्थानी

हिंदू नववर्षानिमित्त हिंदू समाज करौलीच्या वतीने करौली शहरातील रस्त्यांवर काढण्यात आलेल्या हिंदू भगवा ध्वज रॅलीमध्ये अचानक एका समाजाच्या लोकांनी दगडफेक केल्याने वाद निर्माण झाला. त्यामुळे संपूर्ण करौली शहर आगीच्या भक्ष्यस्थानी पडले होते. त्याचवेळी करौली शहरातील परिस्थिती तणावपूर्ण बनली. (curfew was imposed in Rajasthan due to stone pelting at the rally)

मिळालेल्या माहितीनुसार, नववर्षानिमित्त शहरातील रस्त्यावर भगवा ध्वज रॅली काढत हिंदू समाजातील तरुण जय श्री रामचा नारा देत होते. ही रॅली शहरातील फुटा कोर्ट आणि हटवारा रोडवरून जात असतानाच एका समाजाच्या सदस्यांकडून रॅलीवर दगडफेक करण्यात आली, त्यामुळे परिस्थिती तणावपूर्ण बनली आणि शहरातील दुकाने जाळण्यात आली. संपूर्ण करौली शहर आगीच्या भक्ष्यस्थानी होते.

दगडफेकीत जखमी झालेल्या तरुणांना शासकीय सामान्य रुग्णालयात दाखल करण्यात आले असून, डॉक्टरांनी (Doctor) गंभीर जखमींना जयपूरला रेफर केले आहे. मिळालेल्या माहितीनुसार, दगडफेकीत कोतवाली पोलीस ठाण्याचे अधिकारी रामेश्वरदयाल मीना यांच्यासह चार पोलीस जखमी झाले असून, जवळपास 50 लोक जखमी झाले आहेत. त्याचवेळी संतप्त तरुणांनी शहरातील दुकानांची तोडफोड करत दोन मोटारसायकलसह 6 हून अधिक दुकाने पेटवून दिली, त्यामुळे अनेक दुकाने जळून खाक झाली. अचानक आगीत दुकान जळून खाक झाल्याचे वृत्त पसरताच सर्वत्र एकच खळबळ उडाली आणि भीतीने लोक घरात घुसले.

प्रशासनाने संचारबंदी लागू केली

भगवा रॅलीवर झालेल्या दगडफेकीवरून झालेल्या वादातून जाळपोळ आणि शहरात तणावपूर्ण परिस्थिती निर्माण झाल्यानंतर पोलीस (Police) अधीक्षक शैलेंद्रसिंह इंदोलिया, जिल्हाधिकारी राजेंद्रसिंह शेखावत यांनी घटनास्थळी भेट देऊन राजस्थान (Rajasthan) येथील करौली शहरातील रस्त्यांवर गस्त घातली. तसेच करौली शहरात संचारबंदी लागू. तणावाची परिस्थिती पाहता पोलीस अधीक्षक शैलेंद्र सिंग इंडोलिया यांनी करौली शहरात मोठ्या प्रमाणात पोलीस बंदोबस्त तैनात केला आहे.