जम्मू-काश्मीरमधील शोपियानमध्ये दहशतवाद्यांनी केंद्रीय राखीव सुरक्षा दलाच्या (CRPF) जवानाची हत्या केली. गेल्या तीन दिवसांतील हा चौथा दहशतवादी हल्ला आहे. जम्मू-काश्मीरमधील (Jammu And Kashmir) शोपियानमधील छोटेपोरा गावात सुट्टीवर गेलेल्या सीआरपीएफ (CRPF) जवानाची दहशतवाद्यांनी गोळ्या झाडून हत्या केली. सुरक्षा दलांनी परिसराला वेढा घातला आहे. जम्मू-काश्मीर पोलिसांनी दिलेल्या माहितीनुसार, शोपियांचे रहिवासी असलेले सीआरपीएफ जवान मुख्तार अहमद दोही यांच्यावर दहशतवाद्यांनी गोळीबार केला. रुग्णालयात नेत असतानाच त्याचा मृत्यू झाला. (CRPF trooper killed by terrorists in Shopian)
पीटीआय या वृत्तसंस्थेने एका पोलीस अधिकाऱ्याच्या हवाल्याने सांगितले की, 'परिसराची नाकेबंदी करण्यात आली असून हल्लेखोरांना पकडण्यासाठी शोध सुरु करण्यात आला आहे.'
दरम्यान, काश्मीरमध्ये दोन गावातील प्रमुखांची हत्या झाल्यानंतर ही घटना घडली आहे. याआधी खानमोहचे सरपंच बशीर अहमद भट आणि त्यानंतर शुक्रवारी कुलगाममध्ये भाजपशी संबंधित शब्बीर अहमद मीर यांची दहशतवाद्यांनी गोळ्या झाडून हत्या केली. श्रीनगरच्या सीमेवर दहशतवाद्यांनी त्यांची हत्या केली.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
