सीआरपीएफ जवानाने एसआयवर केला गोळीबार, नंतर स्वत:ही केली आत्महत्या

तेलंगणातील मुलुगु जिल्ह्यात CRPF 39 बटालियनमध्ये तैनात एक हवालदार आणि SI यांच्यात वाद झाला. प्रकरण इतके तापले की, पाहताच कुक कमांडंट स्टीफनने सीआरपीएफचे (CRPF) एसआय उमेश चंद्र यांच्यावर गोळीबार केला. आणि रविवारी सकाळी 8.30 वाजता सीआरपीएफ कॅम्पमध्ये एकच खळबळ उडाली.

कुक कमांडंट आणि एसआय यांच्यात मारामारी झाली. यानंतर स्टीफनने एसआय उमेश चंद्र यांच्यावर गोळीबार केला. त्यानंतर स्वत:वर गोळी झाडून आत्महत्या (Suicide) केली. गोळीबारात एसआय उमेश चंद्र यांचा जागीच मृत्यू झाला, असे मुलुगु जिल्हा पोलीस (police) अधीक्षकांनी सांगितले. तर कुक कमांडंट स्टीफन गंभीर जखमी झाला. जखमींना वरंगल रुग्णालयात (Hospital) दाखल करण्यात आले. ही घटना व्यंकटपुरम विभागीय मुख्यालयातील असल्याचे पोलिसांनी सांगितले. या प्रकरणाची चौकशी सुरू आहे. यासोबतच वादाचे कारण काय, याकडेही लक्ष लागले आहे.