नवी दिल्लीत 24 तासांत कोरोना विषाणूचे 17335 नवीन रुग्ण आढळले आहेत. राज्यात संसर्गाचे प्रमाण आता 17.73 टक्क्यांवर पोहोचले आहे. या जीवघेण्या विषाणूमुळे 9 मृत्यूही झाले आहेत. त्याच वेळी, रुग्णांची संख्या 39873 वर पोहोचली आहे. कानपूर आयआयटीचे (IIT) प्रोफेसर डॉ. मनिंद्र अग्रवाल यांनी म्हटले आहे की, येत्या 10 दिवसांत दिल्ली आणि मुंबईत (Mumbai) कोरोनाच्या तिसऱ्या लाटेचा उच्चांक असेल. त्यांनी सांगितले की, दोन्ही शहरांमध्ये सुमारे 30,000 ते 50,000 कोरोना रुग्ण आहेत.
डॉ अग्रवाल यांच्या मते, या महिन्याच्या अखेरीस भारतात कोरोनाची तिसरी लाट शिगेला पोहोचेल. एका दिवसात 4 ते 8 लाख नवीन प्रकरणे समोर येतील. ते म्हणाले की, मार्चअखेर भारतात दररोज 10 हजार ते 20 हजार नवीन कोरोना रुग्णांची शक्यता आहे. डॉ अग्रवाल म्हणाले की, रुग्णालयात कमी कोरोना (Corona) रुग्ण दाखल होतील अशी अपेक्षा आहे. रुग्णालयांमध्ये खाटा वाढवण्याचे आदेश कोविड-19 च्या वाढत्या प्रकरणांच्या पार्श्वभूमीवर, दिल्ली सरकारने (Government) आपल्या नऊ रुग्णालयांमध्ये कोविड खाटा सध्याच्या 3,316 वरून 4,350 पर्यंत वाढवण्याचे आदेश दिले आहेत.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
