नवी दिल्ली: कर्नाटकचे मुख्यमंत्री सिद्धरामया आणि उपमुख्यमंत्री डी. के. शिवकुमार यांच्या ओएसडीमध्ये दिल्लीत जोरदार राडा झाल्याची माहिती समोर आली आहे. दिल्लीत असलेल्या कर्नाटक भवनमध्ये ही घटना घडली. दोघांमध्ये धरपकड झाली. मुख्यमंत्र्यांच्या ओएसडीने उपमुख्यमंत्र्यांच्या ओएसडीला चप्पलने मारण्याची धमकी दिल्यानंतर वाद झाला. या राड्यानंतर आता प्रकरणाची चौकशी करण्याचे आदेश देण्यात आले आहेत.
समोर आलेल्या माहितीनुसार, कर्नाटकचे मुख्यमंत्री आणि उपमुख्यमंत्री यांच्या ओएसडी यांच्या कडाक्याचे भांडण झाले. याचे वादात रुपांतर झाले व दोघेही कर्नाटक भवनात एकमेकांशी भिडले. याप्रकरणी आता अधिकृतपणे तक्रार दाखल करण्यात आली असून, प्रकरणाचा तपास करण्याचे आदेश देण्यात आले आहेत.
मुख्यमंत्री सिद्धरामया यांचे विशेष कार्य अधिकारी आणि स्वयं सहाय्यक मोहन कुमार सी यांनी उपमुख्यमंत्री डी. के. शिवकुमार यांचे विशेष कार्य अधिकरी एच. अंजनेय यांना धमकी दिल्याचा आरोप आहे. मनोज कुमार यांनी अंजनेय यांना सर्वांसमोर चप्पलने मारहाण करण्याची धमकी दिली. यानंतर अंजनेय यांनी याप्रकरणी कर्नाटकच्या मुख्य सचिवांकडे तक्रार दाखल केली आहे.
मुख्यमंत्री सिद्धरामया यांचे ओएसडी मनोद कुमार नियुक्त झाल्यापासून सातत्याने त्रास देत असल्याची तक्रार अंजनेय यांनी केली आहे. मनोज कुमार वारंवार कामात अडथळा आणत असल्याचे देखील अंजनेय यांनी म्हटले आहे. याप्रकरणाची सचिव शालिनी रजनीश यांनी गंभीर दखल घेत चौकशीचे आदेश दिले आहेत.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.