Heron Mark 2 Drone: पाकिस्तान आणि चीनपासून आपले संरक्षण करण्यासाठी भारताने आता मोठे पाऊल उचलले आहे. भारत- पाकिस्तान आणि भारत-चीन सीमांवर लक्ष ठेवण्यासाठी हेरॉन मार्क-2 ड्रोन तैनात केले आहे. या ड्रोनचे वैशिष्ट्य म्हणजे एकाच उड्डाणात हे ड्रोन पाकिस्तान आणि चीन या दोन्ही देशांच्या सीमेवर लक्ष ठेऊ शकणार आहे.
मेक इन इंडिया अंतर्गत भारतीय वायुसेना प्रोजक्ट चीताला प्रोत्साहन देताना दिसून येत आहे. या अंतर्गत, भारतीय सशस्त्र दलाचे सुमारे 70 हेरॉन ड्रोन उपग्रह संप्रेषण लिंकसह अपग्रेड केले जाणार आहेत. लष्कराला 31 प्रीडेटर ड्रोन देखील मिळत आहेत.
चार नवीन हेरॉन मार्क-2 ड्रोन लांब पल्ल्याची क्षेपणास्त्रे आणि इतर शस्त्र प्रणालींनी सुसज्ज आहेत. ते उत्तरेकडील सेक्टरमधील फॉरवर्ड एअर बेसवर तैनात आहे.
मिळालेल्या माहीतीनुसार, हेरॉन मार्क-2 ड्रोनचे संचालन करणाऱ्या स्क्वाड्रनला वार्डन ऑफ नॉर्थ म्हणून ओळखले जाते. आता हे ड्रोन चीन आणि पाकिस्तानच्या लागून असलेल्या सीमांवर लक्ष ठेवणार आहे. महत्वाचे म्हणजे कोणत्याही ऋतुत हे ड्रोन 36 तास सलग काम करु शकणार आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.