बायकोची 'इच्छा' अधुरीच राहिली, मोबाईलने उलगडला सगळा खेळ!

Bihar News: बिहारमधील अररिया येथून एक धक्कादायक घटना समोर आली आहे. येथे पत्नीने पतीवर खळबळजनक आरोप केला आहे. फारबिसगंज पोलिस स्टेशन परिसरात राहणाऱ्या एका महिलेने पतीविरोधात पोलिस ठाण्यात लेखी तक्रार दाखल केली आहे. तक्रारीत तिने पतीवर इतर महिलांशी अनैतिक संबंध ठेवणे, मारहाण करणे यासह अनेक आरोप केले आहेत. महिलेचे म्हणणे आहे की, पतीमुळे तिच्या सर्व इच्छा अपूर्ण राहिल्या आहेत. याप्रकरणी कारवाई करण्याची मागणी तिने पोलीस ठाणे प्रमुखांकडे केली आहे. महिलेच्या तक्रारीवरुन पोलीस या प्रकरणाचा तपास करत आहेत.

15 वर्षांपूर्वी लग्न झाले

पोलिसांकडे नोंदवलेल्या तक्रारीत नजराना खातून या महिलेने म्हटले की, मोहम्मद फिरोजसोबत 4 ऑगस्ट 2008 रोजी मुस्लिम रितीरिवाजांनुसार तिचा विवाह झाला होता. दोघांना एक मुलगा आणि एक मुलगी आहे. नजरानाचा आरोप आहे की, लग्न झाल्यापासून तिच्या पतीचे इतर महिलांसोबत अवैध संबंध आहेत. विरोध करताच तो मारहाण करतो. पोलिसांना दिलेल्या अर्जात नजरानाने (महिलेने) म्हटले की, पतीच्या या वृत्तीमुळे आपण त्याला सोडून न्यायालयात धाव घेतली. नंतर पतीने आपली चूक मान्य करुन लेखी आश्वासन दिले, त्यानंतर ती घरी परतली.

महिलेने पोलिसांना सांगितले की, 12 फेब्रुवारी रोजी रात्री 10 वाजता पती आपल्या कारमधून बाहेर जाण्यासाठी घराबाहेर पडला होता. काही कामासाठी बाहेर जात असल्याचे त्याने घरी सांगितले. पीडितेने अर्जात म्हटले की, जेव्हा तिने पतीच्या मोबाईलचे लोकेशन पाहिले तेव्हा तो जवळच होता. तपास केला असता त्याची गाडी वॉर्ड क्रमांक 18 येथील पाण्याच्या टाकीजवळ पार्क केलेली आढळून आली. यादरम्यान पतीला 15 वर्षांच्या मुलीसह रंगेहात पकडण्यात आले. महिलेचा आरोप आहे की, तिने विरोध केल्यावर दोघांनीही तिला मारहाण करुन घटनास्थळावरुन पळवून लावले.

महिलेने आपल्या अर्जात पती आणि मुलीवर कठोर कायदेशीर कारवाई करण्याची मागणी केली आहे. या प्रकरणी फारबिसगंज पोलिस स्टेशनचे नवनियुक्त पोलिस स्टेशन प्रभारी राघवेंद्र सिंह यांनी सांगितले की, अर्ज प्राप्त झाला आहे. पोलीस या प्रकरणाचा तपास करत असून तपासानंतर कारवाई केली जाईल.