देशभरात सणांचा हंगाम सुरू असून दिवाळीच्या आगमनाची उत्सुकता सर्वत्र दिसून येत आहे. दिवाळी आता काही दिवसांवर आली असून, लोक सणाच्या तयारीत गुंतले आहेत. या पार्श्वभूमीवर, बँकांचे व्यवहार करायचे असतील तर ग्राहकांनी विशेष लक्ष देणे आवश्यक आहे. कारण दिवाळी आठवड्यात देशभरातील बँकांना सलग काही दिवस सुट्ट्या असणार आहेत.
रिझर्व्ह बँकेने (RBI) जारी केलेल्या सुट्ट्यांच्या कॅलेंडरनुसार, सोमवार, २० ऑक्टोबर ते रविवार, २६ ऑक्टोबर २०२५ या दरम्यानच्या आठवड्यात सातपैकी सहा दिवस बँकांना सुट्ट्या असतील. त्यामुळे बँकिंग कामकाजाची योजना आखताना ग्राहकांनी या तारखांची नोंद ठेवणे गरजेचे आहे.
२० ऑक्टोबर २०२५ (सोमवार)
दिवाळी सण आणि संबंधित सणांच्या निमित्ताने अगरतळा, अहमदाबाद, ऐझवाल, बेंगळुरू, भोपाळ, चंदीगड, चेन्नई, डेहराडून, गुवाहाटी, हैदराबाद, जयपूर, कानपूर, कोलकाता, लखनौ, नवी दिल्ली, पणजी, पटना, रायपूर, रांची, शिलाँग, शिमला, तिरुवनंतपुरम आणि विजयवाडा येथे बँका बंद राहतील.
२१ ऑक्टोबर २०२५ (मंगळवार)
लक्ष्मीपूजन आणि गोवर्धन पूजा निमित्त बेलापूर, भोपाळ, भुवनेश्वर, गंगटोक, इंफाळ, जम्मू, मुंबई, नागपूर आणि श्रीनगर येथे बँका बंद राहतील.
२२ ऑक्टोबर २०२५ (बुधवार)
दिवाळी (बलीप्रतिपदा), विक्रम संवत नववर्ष दिन आणि गोवर्धन पूजा निमित्त अहमदाबाद, बेंगळुरू, डेहराडून, जयपूर, कानपूर, लखनौ, मुंबई आणि नागपूर येथे बँकांना सुट्टी असेल.
२३ ऑक्टोबर २०२५ (गुरुवार)
भाऊबीज, भाईदूज, चित्रगुप्त जयंती आणि निंगोल चक्कौबा निमित्त अहमदाबाद, गंगटोक, इंफाळ, कानपूर, कोलकाता, लखनौ आणि शिमला येथे बँका बंद राहतील.
२५ ऑक्टोबर २०२५ (शनिवार)
चौथा शनिवार असल्याने देशभरात सर्व बँका बंद राहतील.
२६ ऑक्टोबर २०२५ (रविवार)
रविवारची नियमित सुट्टी असल्याने सर्वत्र बँका बंद राहतील.
सुट्टीच्या दिवशी ग्राहक नेट बँकिंग, मोबाइल बँकिंग आणि UPI व्यवहार सहज करू शकतील. त्यामुळे रोख रक्कम काढणे किंवा देयकांची देवाणघेवाण यांसाठी डिजिटल सेवा वापरण्याचे आवाहन बँकांनी ग्राहकांना केले आहे.
दिवाळीच्या आठवड्यात बहुतेक दिवस बँका बंद राहणार असल्यामुळे, कोणतेही आर्थिक व्यवहार, कर्ज अर्ज, चेक क्लिअरन्स किंवा रोकड व्यवहार आधीच पूर्ण करून घ्या. ऑनलाइन सेवांच्या मदतीने मात्र तुमचे दैनंदिन आर्थिक व्यवहार सुरळीत सुरू राहतील.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.