Israel vs Hamas War: राफा हमास या दहशतवादी संघटनेचा संपूर्ण विनाश करण्याच्या उद्देशाने गाझा पट्टीच्या सीमेवर जमा झालेल्या इस्रायली सैनिकांच्या काही तुकड्यांनी आणि रणगाड्यांनी बुधवारी रात्री उत्तर गाझामध्ये घुसत अनेक ठिकाणी हल्ले केले.
काही तास चाललेल्या या कारवाईत हमासची अनेक ठिकाणे लक्ष्य करण्यात आली.
हमासने सात ऑक्टोबरला केलेल्या रॉकेट हल्ल्यानंतर इस्राईलने दोन आठवड्यांहून अधिक काळ केलेल्या हवाई हल्ल्यांमध्ये गाझा पट्टीत प्रचंड जीवित आणि वित्त हानी झाली आहे.
अन्न-पाणी, इंधन, वैद्यकीय उपचार यांच्यावाचून सामान्य पॅलेस्टिनी नागरिकांचे हाल होत आहेत. हमासचे अस्तित्व नष्ट केल्याशिवाय कारवाई न थांबविण्याचा निश्चय केलेल्या इस्राईलने अनेक नागरी ठिकाणांवरही हवाई मारा केला आहे.
आतापर्यंतच्या संघर्षात गाझा पट्टीतील साडे सहा हजारांच्या जवळपास नागरिकांचा मृत्यू झाला आहे. या भागात सैन्य घुसवून हमासला नेस्तनाबूत करण्याचा इस्राईलचा निश्चय आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.