आसाममध्ये संततधार पावसामुळे अनेक जिल्हे पुरात अडकले आहेत. पावसामुळे अनेक भागात भूस्खलनही झाले आहे. राज्यातील 24 जिल्ह्यांमध्ये दोन लाखांहून अधिक लोकांना पुराचा फटका बसल्याचे सांगण्यात येत आहे. आसाम राज्य आपत्ती व्यवस्थापन प्राधिकरणाच्या अहवालानुसार, एकट्या कचार जिल्ह्यात 50 हजारांहून अधिक लोकांना याचा फटका बसला आहे. अहवालात म्हटले आहे की 46 महसूल मंडळातील 652 गावांना पुराचा फटका बसला आहे. 16,645.61 हेक्टर पीक जमीन पुराच्या पाण्यात बुडाली आहे. (assam floods landslides affect two lakh people across)
सात लोक मरण पावले
आसाम आपत्ती व्यवस्थापन प्राधिकरणाने सांगितले की, कचार, चरैदेव, दरंग, धेमाजी, दिब्रुगढ आणि दिमा-हसाओसह 24 जिल्ह्यांमध्ये आतापर्यंत 2,02,385 लोकांना पुराचा फटका बसला आहे. पूर आणि भूस्खलनामुळे आतापर्यंत 7 जणांचा मृत्यू झाला आहे. याशिवाय अनेक लोक बेपत्ता आहेत. प्रशासनाकडून मदत आणि बचावकार्य सुरू आहे. काचारमध्ये जिल्हा प्रशासनाने 55 मदत शिबिरे आणि 12 वितरण केंद्रे स्थापन केली आहेत. सुमारे 33 हजार पूरग्रस्तांनी येथे आश्रय घेतला आहे.
अनेक भागात भूस्खलन
मुसळधार पावसामुळे अनेक भागात भूस्खलनही झाले आहे. न्यू कुंजांग, फ्यांगपुई, मौलहोई, नामजुरंग, दक्षिण बागेतर, महादेव टिला, कालीबारी, उत्तर बागेतर, जिओन आणि लोदी पांगमौल या गावांमध्ये भूस्खलन झाल्याची माहिती मिळाली आहे. दरड कोसळल्याने जटिंगा-हरणगाव आणि माहूर-फिडिंग येथील रेल्वे मार्ग ठप्प झाला आहे.
निमलष्करी दल, एसडीआरएफ तैनात
लष्कर, निमलष्करी दल, अग्निशमन आणि आपत्कालीन सेवा, SDRF, नागरी प्रशासन आणि प्रशिक्षित स्वयंसेवक मदत आणि बचाव कार्यासाठी तैनात करण्यात आले आहेत. कचार जिल्हा प्रशासन आणि आसाम रायफल्स यांच्या संयुक्त उपक्रमाने बरखला भागातील पूरग्रस्तांची सुटका करून त्यांना मदत छावण्यांमध्ये पाठवले आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
