केजरीवाल सरकार भ्रष्टाचाराच्या गर्तेत, एलजीने दिले चौकशीचे आदेश

BJP Alleges Delhi Government Of Scam: दिल्लीच्या केजरीवाल सरकारवर भ्रष्टाचाराचे आरोप झाले आहेत. भाजप खासदार मनोज तिवारी यांनी दिल्लीतील नव्याने प्रस्तावित रुग्णालयांबाबत हे आरोप केले आहेत. मनोज तिवारी यांनी सोमवारी या भ्रष्टाचाराच्या आरोपांशी संबंधित अनेक कागदपत्रे शेअर केली आहेत. (another corruption allegation on kejriwal government lg orders probe shocking documents revealed aap vs bjp)

मनोज तिवारी यांनी 'आप' वर गंभीर आरोप केले

मनोज तिवारी म्हणाले की, 'आम आदमी पार्टीच्या सरकारमध्ये 'मल्टी लेयर' घोटाळे सुरु आहेत. मुख्यमंत्र्यांपासून ते मंत्री आणि सरकारचे अधिकारी दिल्लीतील जनतेचा पैसा खाण्यात व्यस्त आहेत.'

एलजीने चौकशीचे आदेश दिले

मनोज तिवारी यांनी भ्रष्टाचाराच्या (Corruption) आरोपांशी संबंधित अनेक कागदपत्रेही सादर केली. यावेळी बोलताना तिवारी म्हणाले की, 'रुग्णालयांच्या बांधकामापासून ते निवडीपर्यंत, जेईपासून ते सरकारमधील मंत्री घोटाळ्यांमध्ये गुंतले आहेत. दिल्लीच्या लेफ्टनंट गव्हर्नरांनी एसीबीला चौकशीचे निर्देश दिले आहेत.'

मनीष सिसोदिया यांनी नकार दिला

भाजपच्या (BJP) या आरोपांवर दिल्लीचे उपमुख्यमंत्री मनीष सिसोदिया (Manish Sisodia) यांनी आज भाजप आणि एलजीवर सडकून टीका केली. ते म्हणाले की, 'एलजी साहेबांनी एक वर्ष जुन्या तक्रारीवर कारवाई करण्यास मान्यता दिली आहे. मात्र पूर्व एलजी अनिल बैजल यांनी त्यावेळी ही तक्रार नाकारली होती.' मनीष सिसोदिया यांनी एलजीवर भाजप कार्यकर्त्यांसह दिल्ली सरकारचा छळ केल्याचा आरोपही केला होता. मनीष सिसोदिया यांनीही आज दिल्लीच्या एलजीला या प्रकरणी पत्र लिहिले आहे. वस्तुस्थिती जाणून घेण्यासाठी भाजप खासदार 22 जून रोजी या रुग्णालयांना भेट देणार आहेत.