लव्हली युनिव्हर्सिटीत कहर, भगवान रामावर प्रोफेसरने केली आक्षेपार्ह टिप्पणी

लव्हली प्रोफेशनल युनिव्हर्सिटीतील एका सहाय्यक प्राध्यापकाला भगवान रामाबद्दल अपमानास्पद टिप्पणी केल्याप्रकरणी बडतर्फ करण्यात आले आहे. सहाय्यक प्राध्यापक गुरसंग प्रीत कौर यांच्या वक्तव्याचा एक कथित व्हिडिओ शनिवारी सोशल मीडियावर (Social Media) समोर आला, त्यानंतर त्यांना काढून टाकण्याची मागणी करण्यात आली होती. (An Assistant Professor at Lovely Professional University has made derogatory remarks about Lord Rama)

"आम्हाला समजले आहे की, सोशल मीडियावर शेअर केलेल्या व्हिडिओमुळे काही लोक दुखावले गेले आहेत, जिथे आमचे कर्मचारी सदस्य त्यांचे वैयक्तिक मत व्यक्त करताना दिसत आहेत," असे विद्यापीठाने आपल्या निवेदनात म्हटले आहे. विशेष म्हणजे त्यांनी शेअर केलेले विचार पूर्णपणे वैयक्तिक आहेत. आम्ही त्यांच्या विचाराचे समर्थन करत नाही. त्याचबरोबर विद्यापीठात आम्ही सर्व धर्मांना समान स्थान देतो, असेही निवदेनादरम्यान म्हटले आहे.

विद्यापीठाने पुढे सांगितले की, ''सर्व विद्यार्थ्यांना आम्ही विद्यापीठात प्रेम आणि आदराने वागवतो. या प्रकरणी या प्राध्यापकाला तत्काळ सेवेतून मुक्त करण्यात आले आहे. तथापि, आम्हाला या संपूर्ण घटनेबद्दल मनापासून खेद वाटतो." विद्यापीठाचे उपाध्यक्ष अमन मित्तल यांच्याशी संपर्क साधला असता त्यांनी सांगितले की, 'सहाय्यक प्राध्यापकाला (Professor) शनिवारी काढून टाकण्यात आले आहे.'