Amit Shah: केंद्रीय गृहमंत्री अमित शहा सध्या बिहारमध्ये आहेत. पश्चिम चंपारणमध्ये आयोजित रॅलीमध्ये अमित शहांनी नितिश कुमार यांच्यावर जोरदार टीका केली आहे. बिहारमध्ये कायदाव्यवस्था बिघडली आहे.
नकली दारुमुळे लोक मरत आहेत मात्र नीतीश कुमारांना दर तीन वर्षानंतर पंतप्रधान होण्याचे स्वप्न पडते. जंगलराज असणाऱ्यासोबत ते व्यवहार करतात. नितीश कुमारांचे नेहमीच या पक्षातून त्या पक्षात येणेजाणे सुरु असते.
आयाराम गयाराम सारखे नितीश कुमारांचे काम सुरु आहे. आता नितीश कुमारांसाठी भाजपचे दरवाजे कायमचे बंद आहेत. बिहारमध्ये हत्या ,अपहरण ,खूनासारखे गुन्हे राजरोसपणे सुरु आहेत. पीएफआय सारखी संघटना बिहारला आपलं मुख्यालय बनवू पाहत होती आणि तरीदेखील नीतीश बाबू गप्प बसले होते.
मोदींनी पीएफआयवर बंदी घालून देशाचे भले केले आहे असेदेखील अमित शहांनी म्हटले आहे. याबरोबरच, नीतीश कुमारांची संधी बघून पंतप्रधान बनण्याची इच्छा जागी होते. त्यांच्या अस्थिर वागण्यामुळे बिहार( Bihar )चे नुकसान होत असल्याची टिप्पणी देखील अमित शहांनी म्हटले आहे.
आता अमित शहांच्या या जोरदार टिकेवर नीतीश कुमार काय प्रतिक्रिया देणार हे पाहणे महत्वाचे ठरणार आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
