अखिलेश यादव अन् आझम खान यांनी खासदारकीचा दिला राजीनामा

अखिलेश यादव आणि आझम खान यांनी लोकसभेचा सदस्यत्वाचा राजीनामा दिला आहे.
Akhilesh Yadav and Azam Khan have resigned from the Lok Sabha
Akhilesh Yadav and Azam Khan have resigned from the Lok SabhaDainik Gomantak

सपाचे राष्ट्रीय अध्यक्ष अखिलेश यादव यांनी लोकसभा सदस्यत्वाचा राजीनामा दिला आहे. त्यांच्यासोबतच सपाचे नेते आणि माजी मंत्री आझम खान यांनीही लोकसभा सदस्यत्वाचा राजीनामा दिला आहे. नुकत्याच झालेल्या विधानसभा निवडणुकीत या दोन्ही नेत्यांनी भाग घेतला होता. अखिलेश यादव (Akhilesh Yadav) मैनपुरीच्या करहल मतदारसंघातून तर आझम खान रामपूरमधून आमदार झाले. (Akhilesh Yadav and Azam Khan have resigned from the Lok Sabha)

दरम्यान, विधानसभा निवडणुकीत अखिलेश यादव यांनी करहल मतदारसंघातून डॉ.एसपी सिंह बघेल यांचा पराभव केला होता. निवडणुकीच्या निकालात भाजपला (BJP) बहुमत मिळाले असून, सपाही 100 जागांचा टप्पा ओलांडून दुसऱ्या क्रमांकाचा पक्ष बनला आहे.

Akhilesh Yadav and Azam Khan have resigned from the Lok Sabha
पुष्कर सिंह धामी होणार उत्तराखंडचे नवे मुख्यमंत्री

किंबहुना विधानसभा निवडणुकीच्या निकालापासूनच अखिलेश यादव आमदारकी सोडणार की, लोकसभेच्या सदस्यत्वाचा राजीनामा देणार, अशी चर्चा सुरु झाली होती. मात्र आज लोकसभा सदस्यत्वाचा राजीनामा देऊन त्यांनी या चर्चांना पूर्णविराम दिला आहे. अखिलेश यादव सोशल मीडियावरुनही भाजपवर निशाणा साधत आहेत. भाजपच्या राजवटीत लोकशाहीचे रक्षण करण्याची अपेक्षा करणे म्हणजे दिवसा तारे शोधण्यासारखे आहे, असे ट्विट करत त्यांनी भाजपवर हल्लाबोल केला.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

दैनिक गोमन्तक आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, इन्स्टाग्राम, ट्विटर, शेअर चॅट आणि टेलिग्राम आम्हाला फॉलो करा. तसेच, दैनिक गोमन्तकच्या यूट्यूब चॅनेलला आजच सबस्क्राइब करा.

Related Stories

No stories found.
Dainik Gomantak | दैनिक गोमन्तक
dainikgomantak.esakal.com