हरियाणात अग्निपथ योजनेच्या विरोधात निदर्शने सुरु आहेत. महेंद्रगड रेल्वे स्थानकाबाहेर शनिवारी आंदोलकांनी एक वाहन उलटवले. त्याच वेळी, शेजारच्या पंजाब राज्यातील लुधियाना रेल्वे स्थानकात 50 हून अधिक आंदोलकांच्या एका गटाने तिकीट काऊंटरमध्ये घुसून मालमत्तेचे नुकसान केले. तरुणांच्या एका गटाने पिक-अप व्हॅनला आग लावली आणि तिची तोडफोड केली, असे महेंद्रगड पोलीस अधिकाऱ्याने सांगितले. (agneepath protest fire in pickup in haryanas mahendragarh railway station vandalized in ludhiana)
दरम्यान, गेल्या काही दिवसांपासून महेंद्रगडमध्ये सैन्य भरतीच्या नव्या योजनेच्या विरोधात जोरदार निदर्शने सुरु आहेत. रेल्वे स्थानकाला लागून असलेल्या एका निवासी इमारतीत राहणाऱ्या एका रेल्वे अभियंत्याने सांगितले की, 'काही आंदोलक आमच्या कॅम्पसमध्ये घुसले आणि त्यांनी कार्यालय आणि जनरेटर सेटचे नुकसान केले.'
दुसरीकडे, पंजाबमध्ये (Punjab), 50 हून अधिक तरुणांचा एक गट लुधियाना रेल्वे परिसरात घुसला, असे पोलिसांनी (Police) सांगितले. या तरुणांनी तिकीट काउंटरच्या काचा फोडल्या. जालंधरमध्ये तरुणांनी मोर्चा काढून निदर्शने केली. राम मंडी चौक ते पीएपी चौकापर्यंत मोर्चा काढून राष्ट्रीय महामार्ग रोखून धरला. अग्निपथ योजना रद्द करण्याची मागणी त्यांनी केंद्राकडे केली.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
