Aditya-L1 changed orbit for the fourth time, Earth-bound fire on September 19:
भारतीय अंतराळ संशोधन संस्था (ISRO) ने भारताच्या पहिल्या सौर मिशन आदित्य-L1 बाबत नवी माहिती दिली आहे. सूर्याचा अभ्यास करण्यासाठी भारताच्या पहिल्या अंतराळ-आधारित मोहिम आदित्य एल 1 ने शुक्रवारी आपली चौथी कक्षा बदलाची प्रक्रिया यशस्वीरित्या पूर्ण केली आहे.
इस्रोने म्हटले आहे की, या ऑपरेशन दरम्यान, मॉरिशस, बेंगळुरू आणि पोर्ट ब्लेअर येथे असलेल्या इस्रोच्या ग्राउंड स्टेशनवरून मिशनच्या संपूर्ण प्रक्रियेचा मागोवा घेण्यात आला आहे. यासाठी काही काळ थ्रस्टर्स सोडण्यात आल्याची माहिती, इस्रोने ट्विटरवर दिली आहे.
इस्रोने असेही सांगितले की, ही नवीन कक्षा 256 किमी x 121973 किमी रुंद आहे. आदित्य-L1 19 सप्टेंबर रोजी दुपारी 2 वाजता Lagrange Point L1 च्या कक्षेत ठेवण्यासाठी त्याची कक्षा वाढवली जाईल.
याआधी एल1 यानाने प्रथमच, 3 सप्टेंबर रोजी सकाळी 11.45 च्या सुमारास कक्षा बदलली होती. त्यानंतर 5 सप्टेंबर रोजी आदित्य L1 ने दुसऱ्यांदा कक्षा बदलली होती.
10 सप्टेंबर रोजी पहाटे 2.30 च्या सुमारास आदित्य एल1 यानची कक्षा तिसऱ्यांदा वाढवण्यात आली. त्यावेळी ते पृथ्वीपासून २९६ किमी x ७१,७६७ किमी अंतराच्या कक्षेत पाठवण्यात आले.
आदित्य-L1 पृथ्वीच्या कक्षेत 16 दिवस घालवेल आहेत असे इस्रोने म्हटले आहे. या 16 दिवसांत पाच वेळा आदित्य-एल1 ची कक्षा बदलण्यासाठी अर्थ बाउंड फायर करावा लागेल. .
ISRO ने 2 सप्टेंबर रोजी PSLV C57 लाँच व्हेइकलमधून आदित्य L1 लाँच केले. आदित्य-L1 ही भारताची पहिली सौर मोहीम आहे, जी सूर्य-पृथ्वी लॅग्रेंज पॉइंट L1 भोवतीच्या प्रभामंडल कक्षेतून सूर्याचा अभ्यास करेल. Lagrange Point L-1 पृथ्वीपासून सुमारे 1.5 दशलक्ष किलोमीटर अंतरावर आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.