Jammu And Kashmir: जम्मू-काश्मीरमधील बांदीपोरा येथे एका स्थलांतरित मजुराची गोळ्या झाडून हत्या करण्यात आली. मोहम्मद अमरेज असे या प्रवासी मजुराचे नाव आहे. ते बिहारचे रहिवासी होते. बंदिपारो जिल्ह्यातील अजस भागात अज्ञात बंदूकधाऱ्यांनी मोहम्मद यांच्यावर गोळ्या झाडल्या.
दरम्यान, न्यूज एजन्सी एएनआयने काश्मीर पोलिसांच्या हवाल्याने म्हटले की, "मध्यरात्री, बांदीपोरा येथे बिहारमधील (Bihar) मोहम्मद अमरेज या स्थलांतरित मजुरावर अज्ञात बंदूकधाऱ्यांनी गोळ्या झाडल्या, अपघातात मोहम्मद जखमी झाले. त्यांनतर त्यांना तात्काळ उपचारासाठी रुग्णालयात नेले असता तिथेच त्यांचा मृत्यू झाला.''
दुसरीकडे, गेल्या आठवडाभरात स्थलांतरित मजुरांवर झालेला हा दुसरा हल्ला आहे. गेल्या आठवड्यातच बिहारमधील मोहम्मद मुमताज या स्थलांतरित मजुराची हत्या करण्यात आली होती. पुलवामा (Pulwama) जिल्ह्यातील गदूरा गावात दहशतवाद्यांनी (Terrorists) परप्रांतीय मजुरांवर ग्रेनेड फेकले, ज्यात मुमताज ठार झाले, तर दोन जण जखमी झाले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
