कर्नाटकात 58 विद्यार्थिनींना हिजाबमुळे केलं निलंबित?

कर्नाटक: कर्नाटकात सुरू असलेल्या हिजाबच्या वादाला शनिवारी वेगळे वळण मिळाले, राज्यातील 58 मुस्लिम विद्यार्थिनींनी हिजाब घालण्याचा आग्रह धरल्याबद्दल शाळेतून निलंबित करण्यात आले होते. मात्र, आता शिवमोग्गाचे उपायुक्त आर सेल्वामणी यांनी या वृत्ताची दखल घेतली आहे. (58 girl students suspended for hijab in karnataka)

नुकत्याच हाती अलेल्या वृत्तानुसार, शुक्रवारी शिवमोग्गा जिल्ह्यातील कर्नाटक पब्लिक स्कूलमध्ये हिजाबवर बंदी आणल्याच्या निषेधार्थ 58 विद्यार्थिनींना निलंबित करण्यात आले आहे. विद्यार्थिनींनी त्यांना वर्गात हिजाब घालण्याची परवानगी द्यावी, अशी मागणी केली होती. हिजाब हा आमचा हक्क आहे, आम्ही मरणार पण हिजाब सोडणार नाही, अशी त्यांनी भुमिका दाखवली

शिवमोग्गा उपायुक्त आर सेल्वामणी यांनी दिलेल्या माहिती नूसार, विद्यार्थिनींच्या निलंबनाचा कोणताही आदेश देण्यात आलेला नाही. ते पुढे म्हणाले "निलंबनाचा आदेश कुठे आहे, मला पाहावा लागेल. मी तो पाहिला नाही"

काय आहे विद्यार्थिनींच्या निलंबनाचा मुद्दा ?

खरं तर, कर्नाटकच्या (Karnataka) अनेक भागांमध्ये शनिवारी मुली त्यांच्या शैक्षणिक संस्थांमध्ये हिजाब (Hijab) घालून आल्या होत्या, परंतु न्यायालयाच्या आदेशाचा हवाला देत त्यांना प्रवेश दिला गेला नाही. शिरलाकोप्पा, शिवमोग्गा येथे शुक्रवारी, प्री-युनिव्हर्सिटी कॉलेज प्रशासनाच्या विरोधात आणि हिजाब काढण्यास नकार दिल्याबद्दल 58 विद्यार्थिनींना निलंबित केल्याचे वृत्त समोर आले आहे. मुख्याध्यापकांनी आम्हाला निलंबित केल्याची माहिती मुलींनी दिली.

एका विद्यार्थिनीने (Student) पत्रकारांना सांगितले की, निलंबित विद्यार्थिनींना कॉलेजमध्ये न येण्यास सांगण्यात आले आहे. शनिवारीही मुली हिजाब परिधान करण्याच्या समर्थनार्थ घोषणा देत कॉलेजमध्ये आल्या. मात्र त्यांना प्रवेश देण्यात आला नाही. विद्यार्थिनींनी सांगितले की, "आम्ही इथे पोहोचलो पण मुख्याध्यापकांनी सांगितले की आम्हाला निलंबित करण्यात आले आहे आणि आम्हाला कॉलेजमध्ये येण्याची गरज नाही. पोलिसांनी देखील आम्हाला कॉलेजमध्ये न येण्यास सांगितले होते, तरीही आम्ही आलो.