बेकायदेशीरपणे भारतात प्रवेश करण्याचा प्रयत्न करणाऱ्या 10 रोहिंग्यांसह 16 जणांना ताब्यात घेण्यात आले आहे. आगरतळा रेल्वे स्थानकावर रेल्वे पोलीस दलाने (RPF) ही कारवाई केली. रेल्वे अधिकाऱ्यांनी रविवारी याबाबत माहिती दिली.
10 रोहिंग्यांसह 16 जणांना बेकायदेशीरपणे भारतात प्रवेश केल्याच्या आरोपावरून ताब्यात घेतले आहे.
(16 Detained In Tripura, Including 10 Rohingya, For Illegally Entering India)
गव्हर्नमेंट रेल्वे पोलिस (जीआरपी) स्टेशन प्रभारी राणा चटर्जी यांनी याबाबत एका वृत्तवाहिनीला माहिती दिली आहे. रेल्वे पोलीस दलाला मिळालेल्या माहितीनुसार, आरपीएफने तीन मुलांसह एकूण 16 जणांना स्टेशनवरून ताब्यात घेतले आहे. यामध्ये 12 परदेशी नागरिक, दोन बांगलादेशी आणि 10 रोहिंग्या आहेत.
ताब्यात घेण्यात आलेल्या आरोपींमध्ये मधुपूर येथील अभिजीत देब नावाच्या एका एजंटचाही समावेश आहे.
पोलिसांनी दिलेल्या माहितीनुसार, हे सर्वजण बांगलादेशातून अवैधरित्या भारतात येत होते. आगरतळा रेल्वे स्थानकातून सकाळी 8.05 वाजता कंचनजंगा एक्स्प्रेसने सर्वजण कोलकात्याला जाणार होते.
आरोपींना न्यायालयात हजर करण्यापूर्वी वैद्यकीय तपासणीसाठी पाठवण्यात आले. त्यांच्यावर विशेष गुन्हाही दाखल करण्यात आला आहे. पोलीस आरोपींची कसून चौकशी करत त्यांच्या अवैध पद्धतीने घुसखोरीचा मार्ग शोधण्याचा प्रयत्न करत आहेत. याप्रकरणी पुढील तपास सुरू आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.