सीम कार्डचा एक कोपरा कट का असतो, वाचा या मागचे कारण

आजकाल प्रत्येकाकडे मोबाइल (Mobile) आहेत. घराबाहेर बाहेर पडतांना सर्वात आधी आपण मोबाइल सोबत घेतला आहे की नाही याची खात्री करून घेतो. म्हणजे मोबाइल आपल्या आयुष्यातील एक अविभाज्य भाग झाला आहे. पण तुम्हाला माहिती आहे का मोबाइलमधील सीम कार्ड ( SIM Card) देखील खूप महत्वाचे आहे. त्याशिवाय मोबाइल (Mobile) निरुपयोगी ठरतो. पण हा सीम कार्ड (SIM Card) एका कोपऱ्यात का कापलेला (Cut) असतो यांचा कधी विचार तुम्ही केला का? चला तर मग जाणून घेवूया सीम कार्डबद्दल (SIM Card) अधिक माहिती.

मोबाइल फोनचा जेव्हा शोध लागला होता तेव्हा त्यात सीम कार्डची सोय उपलब्ध नव्हती. आपल्याला मिळालेला मोबाइल नंबर तोच वापरावा लागत असे. पण नंतर यात सुधारणा होऊन सीम कार्डचा शोध लागला. हे सीम कार्ड आपण कोणत्याही मोबाइलमध्ये वापरू शकत होतो. परंतु ते सीम कार्ड सर्व बाजूने एक सारखे असल्याने मोबाइलमध्ये टाकताना समस्या येत होत्या.

मोबाइलमध्ये सीम कार्ड चुकीचे लावल्याने मोबाइलमध्ये समस्या येत असत. या समस्येवर उपाय काढण्यासाठी सीम कार्ड बनवणाऱ्या कपन्यांनी त्याचा एक कोपरा कट करण्याचे ठरवले. याचा कारणामुळे मोबाइलच्या सीम कार्डचा एक कोपरा कट केलेला असतो. तसेच अनेकदा सीम कार्ड उलटे टाकल्यास फोन डीसेबल आहे असे दाखवते. हे लक्षात येण्यासाठीच सीम कार्डचा एक कोपरा कापलेला किंवा कट केलेला असतो.