Hydrogen Train in India: देशाला लवकरच हायड्रोजनवर चालणारी ट्रेन मिळणार आहे. आत्तापर्यंत हायड्रोजन ट्रेनची रचना फक्त तीन देशांमध्ये केली जात होती, पण आता भारत देखील या यादीत सामील होणार आहे. ही हायड्रोजन ट्रेन भारतातच बनवली जाईल.
दरम्यान, रेल्वेमंत्री अश्विनी वैष्णव (Ashwini Vaishnav) यांनी अर्थसंकल्पाच्या घोषणेसोबतच याची घोषणा केली. भारतातील पहिली हायड्रोजनवर चालणारी ट्रेन डिसेंबर 2023 पर्यंत धावणार असल्याची घोषणा रेल्वे मंत्री अश्विनी वैष्णव यांनी केली आहे. कालका-शिमला ऐतिहासिक सर्किटवर ही ट्रेन चालवली जाईल.
अश्विनी वैष्णव यांनी सांगितले की, आगामी हायड्रोजनवर चालणाऱ्या गाड्यांचे नाव 'वंदे मेट्रो' असेल. या गाड्या दार्जिलिंग हिमालयन रेल्वे, निलगिरी माउंटन रेल्वे, माथेरान हिल रेल्वे (Railway), कांगडा व्हॅली, बिलमोरा वाघाई आणि मारवाड-देवगड माद्रिया मार्ग यांसारख्या ऐतिहासिक नॅरो-गेज मार्गांवर चालवण्याची योजना आहे.
तथापि, हायड्रोजन इंधन सेलची ऑपरेटिंग किंमत डिझेल इंजिनच्या तुलनेत 27% जास्त असल्याचे म्हटले जाते. हायड्रोजनची साठवणूक करणे हे त्याच्या अत्यंत ज्वलनशील स्वरुपामुळे एक आव्हान आहे.
हायड्रोजन गाड्या कार्बन डाय ऑक्साईड, नायट्रोजन ऑक्साईड किंवा पार्टिक्युलेट मॅटर यांसारखे हानिकारक प्रदूषक उत्सर्जित करत नाहीत.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
