Vodafone Idea: दीर्घकाळापासून कर्जबाजारी असलेल्या वोडाफोन आयडियाची आर्थिक स्थिती सुधारण्यासाठी अश्विनी वैष्णव यांनी एक विशेष योजना आखली आहे. कंपनीला भांडवलासोबतच इक्विटीचीही गरज असल्याचे सरकारचे मत आहे, ज्याच्या पूर्ततेसाठी चर्चा सुरु आहे. सध्या या कंपनीतील इक्विटी खरेदी करण्यासाठी सरकारला बराच कालावधी लागू शकतो. व्होडाफोन आयडिया (Vi) सध्या 2 लाख कोटी रुपयांपेक्षा जास्त कर्जात बुडलेली आहे.
आज माहिती देताना अश्विनी वैष्णव (Ashwini Vaishnav) यांनी सांगितले की, "व्होडाफोन आयडियाच्या अनेक गरजा आहेत, परंतु त्यापैकी बहुतांश भांडवलाची गरज आहे... सध्या कंपनीची आर्थिक स्थिती सुधारण्यासाठी किती भांडवल द्यावे लागणार? असे अनेक प्रश्न आहेत. समस्यांवर चर्चा सुरु असून लवकरच तोडगा निघेल.''
कंपनीने सरकारला देय असलेल्या सुमारे 16,130 कोटी रुपयांच्या व्याज दायित्वांचे इक्विटीमध्ये रुपांतर करण्याचा पर्याय निवडला आहे. ही कंपनीतील सुमारे 33 टक्के हिस्सेदारी असेल. याशिवाय, कंपनीतील प्रवर्तकांची हिस्सेदारी 74.99 टक्क्यांवरुन 50 टक्क्यांवर आली आहे.
अधिकार्‍यांकडून मिळालेल्या माहितीनुसार, Vodafone Idea – Vodafone Plc आणि आदित्य बिर्ला ग्रुपचे प्रवर्तक सध्याच्या परिस्थितीचा विचार करुन टेलिकॉम कंपनीमध्ये पुरेशी गुतंवणूक करण्यास तयार नाहीत. या कारणास्तव, AGR वर मिळणाऱ्या व्याजाचे इक्विटीमध्ये रुपांतर करणे कंपनीसाठी कठीण काम आहे.
वैष्णव पुढे म्हणाले की, 'दूरसंचार सेवा देणाऱ्या प्लॅटफॉर्मवर एकसमान सेवा आणि समान नियमांची मागणी आहे. भारतीय दूरसंचार नियामक प्राधिकरण (TRAI) देखील OTT प्लॅटफॉर्मसह समानतेच्या मागणीवर काम करत आहे.'
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
