गुगलने ट्रेनमधून प्रवास करणाऱ्या प्रवाशांसाठी एक खास फीचर आणले आहे. या फीचरच्या मदतीने तुम्ही ट्रेनचे लाईव्ह लोकेशन जाणून घेऊ शकाल. यासोबतच स्टेशनवरील प्लॅटफॉर्म बदलल्यानंतरही तुम्हाला संपूर्ण माहिती मिळेल. अनेक वेळा लोकांना ट्रेनबद्दल अचूक माहिती न मिळाल्यामुळे ट्रेन चुकते. पण गुगलच्या लाइव्ह ट्रेन लोकेशन फीचरच्या मदतीने आता प्रवाशांना कोणतीही अडचण येणार नाही.
गुगल मॅपच्या या फीचरचा वापरकर्त्यांना चांगलाच उपयोग होऊ शकतो. या अॅपच्या माध्यमातून आता युजर्सला ट्रेनची येण्याची वेळ, वेळापत्रक, ट्रेनच्या (Train) विलंबाची माहिती आणि इतर अनेक माहिती अॅपवर मिळू शकणार आहे.
देशभरात काम करेल -
गुगल (Google) मॅपचे हे वैशिष्ट्य देशभरातील सर्व शहरांमध्ये काम करेल. याच्या मदतीने तुम्ही ट्रेन नंबरच्या मदतीने थेट लोकेशन शोधू शकाल. याशिवाय स्टेशनवर प्लॅटफॉर्म बदलण्याबाबतही माहिती सहज मिळेल.
यासाठी आधी तुम्हाला तुमच्या फोनमध्ये गुगल मॅप्स अॅप ओपन करावे लागेल.
यानंतर सर्च बारमध्ये तुम्हाला जिथे जायचे आहे ते ठिकाण टाकावे लागेल.
यानंतर ट्रेन या पर्यायावर क्लिक करावे लागेल.
येथे तुम्हाला त्या मार्गावर जाणाऱ्या सर्व गाड्यांची नावे दिसतील.
आता थेट ट्रेन स्टेटस पाहण्यासाठी तुम्हाला तुमच्या ट्रेनच्या नावावर क्लिक करावे लागेल.
येथे वापरकर्त्यांना त्या मार्गावर येणाऱ्या सर्व स्थानकांची नावे देखील पाहता येतील.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
