नवी दिल्ली: सरकारी तेल कंपन्यांनी (IOC, HPCL आणि BPCL) देखील शनिवारी पेट्रोल डिझेलच्या (Petrol diesel) दरात पुन्हा एकदा वाढ करत ऐन दिवाळीच्या तोंडावर सामान्यांच्या खिसा रिकामा केला आहे. राजधानी दिल्लीत आज पेट्रोल प्रतिलिटर 35 पैशांनी महागले आहे. पेट्रोलच्या दरात सातत्याने होत असलेल्या वाढीमुळे राजधानी दिल्लीत पेट्रोल 108.99 रुपये प्रतिलिटर झाले आहे. त्याचवेळी डिझेलचा विचार केला तर शनिवारी डिझेल प्रति लिटर 35 पैशांनी वाढले आहे. या दरवाढीनंतर दिल्लीत एक लिटर डिझेलची किंमत 97.72 रुपयांवर पोहोचली आहे. देशातील अनेक शहरांमध्ये पेट्रोल 120 रुपयांच्या वर विकले जात आहे.
राजस्थानच्या श्रीगंगा नगरमध्ये आज पेट्रोल 121.25 रुपये आणि डिझेल 112.15 रुपये प्रति लिटर दराने विकले जात आहे. याशिवाय मध्य प्रदेशातील जवळपास सर्व जिल्ह्यांमध्ये पेट्रोल 120 रुपये प्रति लिटर आहे.
दररोज 6 वाजता किंमत बदलते
पेट्रोल आणि डिझेलचे दर दररोज सकाळी सहा वाजता बदलतात. सकाळी 6 वाजल्यापासून नवे दर लागू होणार आहेत. पेट्रोल आणि डिझेलच्या किमतीत उत्पादन शुल्क, डीलर कमिशन आणि इतर गोष्टी जोडल्यानंतर त्याची किंमत जवळपास दुप्पट होते.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
