पेटीएम पेमेंट्स बँक (Paytm Payments Bank) सध्या आपल्या प्लॅटफॉर्मवर कोणतेही नवीन ग्राहक जोडू शकणार नाही. काही तथ्ये समोर आल्यानंतर रिझर्व्ह बँकेने (RBI) बँकेला नवीन ग्राहक जोडण्यास बंदी घातली आहे. विजय शेखर शर्मा (Vijay Shekhar Sharma) यांच्या नेतृत्वाखालील पेटीएम पेमेंट्स बँकेस त्यांच्या IT प्रणालीचे ऑडिट करण्यासही सांगण्यात आले आहे. ज्यासाठी रिझर्व्ह बँकेने आयटी ऑडिट फर्म नियुक्त करण्याचे निर्देश दिले आहेत.
दरम्यान, आपल्या सूचनांमध्ये, रिझर्व्ह बँकेने म्हटले आहे की, ''पेटीएम पेमेंट्स बँकेद्वारे नवीन ग्राहकांना जोडण्याची परवानगी रिझर्व्ह बँकेने नियुक्त केलेल्या आयटी ऑडिट कंपनीच्या अहवालाचे पुनरावलोकन केल्यानंतर विचारात घेतली जाईल.'' बँकेबाबत काही तथ्थे समोर आल्यानंतर हे पाऊल उचलण्यात आल्याचे रिझर्व्ह बँकेने म्हटले आहे. ही बंदी तात्काळ लागू करण्यात आली आहे.
तसेच, रिझव्‍‌र्ह बँकेने म्हटले की, 'पेटीएम पेमेंट्स बँकेवर ही बंदी पर्यवेक्षणाशी संबंधित समस्या समोर आल्यानंतर लादण्यात आली आहे.' यासोबतच, रिझर्व्ह बँकेने पेटीएम पेमेंट्स बँकेला संपूर्ण आयटी प्रणालीचे ऑडिट करण्यास सांगितले आहे. पेटीएम पेमेंट्स बँकेला गेल्या वर्षीच रिझर्व्ह बँकेकडून परवानगी मिळाली असून शेड्यूल बँकेचाही दर्जा मिळाला आहे. बँक 33 कोटी पेटीएम वॉलेटचे समर्थन करते. याच्या मदतीने ग्राहक 87 हजारांहून अधिक ऑनलाइन व्यापारी आणि 20 दशलक्षाहून अधिक स्टोअरमध्ये व्यवहार करु शकतात. बँक विविध प्रकारच्या व्यवहारांवर प्रोसेस करते ज्यात पेटीएम वॉलेट, पेटीएम फास्टॅग, नेट बँकिंग आणि पेटीएम यूपीआय यांचा समावेश आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
