संधी गमावू नका, टाटा एसयूव्हीवर बंपर ऑफर

टाटा मोटर्स (Tata Motors) एप्रिल महिन्यात त्यांच्या हॅचबॅक आणि एसयूव्ही वाहनांवर सूट देत आहे. या वाहनांवर 65,000 रुपयांपर्यंत सूट दिली जात आहे. ऑफर अंतर्गत ग्राहकांना रोख सवलत, एक्सचेंज बोनस आणि कॉर्पोरेट सूट मिळत आहे.

टाटा हॅरियर (रु.65,000 पर्यंत सूट)

कंपनीची ही दमदार SUV तुम्ही 65 हजारांपर्यंत स्वस्तात खरेदी करू शकता. त्याची किंमत 14.52 लाख ते 21.81 लाख रुपये आहे. टाटाची एसयूव्ही 170hp, 2.0-लिटर टर्बो-डिझेल इंजिनसह येते. इंजिन 6-स्पीड मॅन्युअल आणि 6-स्पीड ऑटोमॅटिक गिअरबॉक्सशी जोडलेले आहे. यात पॅनोरामिक सनरूफ, ड्युअल-टोन अलॉय व्हील, अँड्रॉइड ऑटो आणि ऍपल कारप्लेसह 8.8-इंच टचस्क्रीन इन्फोटेनमेंट सिस्टम आणि रेन-सेन्सिंग वायपर्स यांसारखी वैशिष्ट्ये आहेत.

टाटा सफारी (रु. 45,000 पर्यंत सूट)

टाटा (tata) सफारी वर 45,000 रुपयांपर्यंत सूट दिली जात आहे. त्याची किंमत 15.02 लाख ते 23.32 लाख रुपये आहे. हॅरियरप्रमाणे, सफारीमध्ये 2.0-लिटर डिझेल (Diesel) इंजिन देखील आहे. ही मोठी SUV महिंद्रा XUV700, MG Hector Plus आणि Hyundai Alcazar सारख्या वाहनांशी स्पर्धा करते. हे 6 आणि 7 सीटर पर्यायांमध्ये येते.

टाटा नेक्सॉन (रु. 10,000 पर्यंत सूट)

कंपनीची ही सब-कॉम्पॅक्ट एसयूव्ही अनेक वेळा देशातील सर्वाधिक विकली जाणारी एसयूव्ही ठरली आहे. या कारवर तुम्हाला फक्त 10 हजारांचा फायदा होऊ शकतो. कारची किंमत 7.42 लाख ते 13.73 लाख रुपये आहे. एसयूव्ही 110hp, 1.5-लीटर टर्बो-डिझेल आणि 120hp, 1.2-लीटर टर्बो-पेट्रोल इंजिनसह येते. मॅन्युअल आणि एएमटी गिअरबॉक्स दोन्ही पर्याय उपलब्ध आहेत.